KRİMİNAL XƏBƏRLƏR
DİN-İN MƏLUMATI
[3 mart 2008]
Bakının Bakıxanov qəsəbəsində nənəsini qətlə yetirən nəvə yaxalanıb. Daxili İşlər Nazirliyinin məlumatına görə, Mariya İvanovnanın meyiti evində tapılıb. Əməliyyat-istintaq tədbirləri nəticəsində mərhumun nəvəsi Oleq Valeryeviç tərəfindən döyülərək qətlə yetirilməsi müəyyən edilib.
Bakının Nəsimi rayonunda taksi sürücüsünə qarşı soyğunçuluq edən şəxs yaxalanıb. Vüqar Qurbanovun idarə etdiyi «VAZ-21-06» markalı avtomobilə sərnişin qismində oturub, Hərbi Hospitala gedəcəyini bildirən Bakı saini, əvvəllər məhkum olunmuş Araz Xudatzadə sürücünü bıçaqla hədələyərək 20 manat pulunu ondan alıb. Hadisəni törədən şəxs tutulub.
**
Metronun «20 Yanvar» stansiyasının işçisi 29 yaşlı Vəfa Rzayevaya qarşı zor tətbiq edərək ondan 220 dollar pulunu alan Cəlilabad sakini, əvvəllər məhkum olunmuş Hikmət Quliyev də yaxalanıb.
**
Paytaxtın Nizami rayonunda Əjdər Qəhrəmanovun evindən qızıl əşyaları oğurlayan 21 yaşlı Sadiq Əhmədov tutulub. Bakının Binəqədi rayonunda isə Nisə Eyvazovanın evindən pul oğurlayan 25 yaşlı Mübariz Cəfərov saxlanılıb.
**Xudat rayonunda Məhərrəməli Abdullayevin mağazasından 100 manat pul və tütün məmulatları oğurlayan 18 yaşlı Seymur Qafarzadə və onun həmyaşıdı Nuru Nuriyev saxlanılıb.
**
Biləsuvarda narktotik vasitə satan şəxslər yaxalanıb. 5 kiloqramdan çox heroini satanın Zaur və Əvəz Məmmədovlar olduğu müəyyənləşdirilib. Ötən gün ərzində, 1 qəsdən Adam öldürmə, 1 quldurluq, 4 sayğunçuluq kimi ağır cinayət hadisəsi də daxil olmaqla, ümumilikdə 45 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 27-si «isti izlərlə» açılıb. Ötən günlərdən bağlı qalan 5 cinayət faktıda açılıb. Cinayət törətdiklərinə görə 35 nəfər, o cümlədən 7 nəfərdən ibarət 3 qrup tutulub. Bu və ya digər cinayətlərlə bağlı axtarışda olan 4 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Xatırladım ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdı.

Unutmayaq ki, qanun qorumaq və ona riayət etmək hər birmizin borcudur. /İctimai TV/