BAKIDA KEÇİRİLƏN AZƏRBAYCAN-BELARUS BİZNES FORUMU ARTIQ ÖZ İLKİN NƏTİCƏLƏRİNİ GÖSTƏRİR
[4 fevral 2009]
Bakıda keçirilən Azərbaycan-Belarus biznes forumu artıq öz ilkin nəticələrini göstərir. Bu barədə keçirdiyi mətbuat konfransında məlumat verən Belarusun Bakıdakı səfiri Nikolay Potskeviç bildirib ki, hazırda iki ölkə arasında illik ticarət dövriyyəsi 111 milyon dollar olsa da, bu, mövcud potensialdan azdır.
Azərbaycana Belarusdan ildə 25 min dollarlıq baytarlıq dərmanları gətirilirdisə, bu ildən etibarən bu həcmin 2 dəfə artırılmasına dair razılıq əldə olunub. Bundan əlavə sahibkarlar Belarusdan Azərbaycana süni dərilərin gətirilməsi, Azərbaycanda Belarus istehsalı olan mebellərin yığılmasına dair də razılığa gəlib. Bu sözləri deyən Belarus Ticarət Palatasının 1-ci vitse-prezidenti Nikolay Saxar bildirdi ki, iqtisadi əlaqələrin daha da inkişafı üçün hər iki ölkənin turizm şirkətlərinin də belə forumlarda iştirakı məqsədəuyğundur. Yaxın iki ay ərzində Minskdə Belarus-Azərbaycan iqtisadi əməkdaşlıq üzrə hökumətlərarası iclasın keçirilməsinin planlaşdırıldığın bildirən Belarusun Bakıdakı səfiri Nikolay Potskeviç isə Azərbaycanın Gəncə şəhərində yığılan Belarus tarktorlarına artan təlabatdan da danışdı. O bildirdi ki, Azərbaycanda 2008-ci ildə 530 tarktor istehsal olunsa da, 2009-cu il üçün artıq 570 texnikanın yağılmasına dair müqavilə imzalanıb. Qeyd edək ki, iki ölkənin sahibkarları arasında Bakıda keçirilən işgüzar görüşdə Belarusun 11, Azərbaycanın isə 20 şirkət və müəssisəsi iştirak edib. /İctimai TV/