KRİMİNAL XƏBƏRLƏR
DİN-İN MƏLUMATI
[4 mart 2009]
Ötən gün saat 17 radələrində, Ağsu rayonunun Ərəbuşağı kənd sakini 61 yaşlı Tofiq İsayev ailə münaqişəsi zəminində ov tüfəngindən atəş açaraq, həyat yoldaşı 51 yaşlı Güllünü yaralayıb. Polis tərəfindən saxlanılan Tofiq İsayevdən 1 ədəd ov tüfəngi götürülüb.

Bu gecə Masallının Türkoba kənd sakini 29 yaşlı Cəsarət Abdullayev bıçaq yarası ilə xəstəxanaya gətirilib. Əməliyyat-axtarış tədbirləri nəticəsində, ona xəsarət yetirən həmkəndlisi, 32 yaşlı Seymur Xəmiyev saxlanılıb. İlkin istintaq araşdırmaları zamanı məlum olub ki, İki bacanaq kafedə yeyib-içəndən sonra onlar arasında mübahisə yaranıb. Zərərçəkən Seymur Xəmiyevin yaxın qohumlarının ünvanına nalayiq ifadələr işlətməsi isə sonuncunun bıçağa əl ataraq ona iki zərbə endirməsi ilə nəticələnib.
**
Sabirabadda ölümlə nəticələnən yol nəqliyyat hadisəsi baş verib. 40 yaşlı Muxtar Orucov Nizamikənd kəndinin ərazisində idarə etd «Mersedes» markalı avtomobili aşırıb. Nəticədə, Muxtar Orucov hadisə yerindəcə vəfat edib.
**
Ümumilikdə ötən gün ərzində 3 nəfərin ölümü, 1-nin yaralanması ilə nəticələnən 4 yol-nəqliyyat hadisəsi qeydə alınıb.
**
Daxili İşlər Nazirliyinin Çevik Polis Alayı və Səbail rayon Polis İdarəsinin 8-ci Polis Bölməsi əməkdaşlarının keçirdiyi əməliyyat tədbirdəri nəticəsində Bayıl qəsəbəsi ərazisində Elxan Tağıyevə məxsus mağazadan oğurluğa cəhdin qarşısı alınıb. Məlum olub Ki, özgənin əmlakının gizli yolla talamağa cəhd göstərən Bakı şəhər sakini, əvvəllər məhkum olunmuş 40 yaşlı İntiqam Əliməmmədovdur.
**
Sabunçu körpüsü yaxınlığında, Sabunçu qəsəbə sakini, 17 yaşlı Vüsal Cabbarova qarşı soyğunçuluq edərək onun Mobil telefonunu alan Masallı rayon sakini, 20 yaşlı Emin Zeynalov yaxalanaraq istintaqa cəlb olunub.
**
Yasamal rayonu Vidadi küçəsi ev 15-də yaşayan Heydər Qədirovun evinə pəncərədən daxil olaraq qızıl əşyaları oğurlayan 26 yaşlı İslam Rəhimov tutulub.
**
Quba rayonunun Aşağı Atuc kəndinin ərazisində, Quba şəhər sakini, Zakir Rəcəbova məxsus dəyirmandan 6 ədəd mühərrik oğurlayanlar yaxalanıb. Məlum olub Ki, kənd sakinləri 23 yaşlı Orxan Babayev, onun qardaşı, 21 yaşlı Elxan, 21 yaşlı Bəxtiyar Hüseynov, onun qardaşı 29 yaşlı Əzim və 35 yaşlı Kamil Babayev əlbir olaraq Zakir Rəcəbova məxsus dəyirmandan oğurluq etmək qərarına gəliblər. Onlar planlarını həyata keçirsələr də, cinayət məsuliyyətindən yayına bilməyiblər.
**
Bakı şəhər sakinləri 30 yaşlı Elşad Bayramov, 29 yaşlı Sİyavuş Qulamov və əvvəllər məhkum olunmuş 22 yaşlı Asif Ağayevdən narkotik maddə olan heroin götürülüb. Onlara narkotik vasitəni satan, Bakı şəhər sakinləri, 35 yaşlı Anar Həsənov və əvvəllər məhkum olunmuş 45 yaşlı İntiqam Zeynalabdinov da saxlanılıb. Həmin şəxslər saxlanılan zaman onlarında üstündən heroin aşkar edilib. İntiqam Zeynalabdinovun evinə baxış zamanı isə oradan da əlavə olaraq 103,373 qr heroinin gizlədildiyi müəyyən edilib.
**
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 9 cinayət hadisəsi müəyyən edilib, silah, döyüş sürsatı və partlayıcı maddələrlə bağlı 8 fakt aşkarlanıb.
**
Ötən gün ərzində, 1 adam öldürməyə cəhd, 1 qəsdən sağlamlığa ağır zərər vurma, 2 soyğunçuluq kimi ağır cinayət hadisəsi də daxil olmaqla, ümumilikdə 39 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 19-u «isti izlərlə» açılıb. Ötən günlərdən bağlı qalan 3 cinayət faktıda açılıb. Cinayət törətdiklərinə görə 37 nəfər, o cümlədən 10 nəfərdən ibarət 2 qrup tutulub. Bu və ya digər cinayətlərlə bağlı axtarışda olan 12 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Xatırladım ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdı.
Unutmayaq ki, qanun qorumaq və ona riayət etmək hər birmizin borcudur. /İctimai TV/