KRİMİNAL XƏBƏRLƏR
DİN-İN MƏLUMATI
[6 fevral 2009]
Bərdədə bədbəxt hadisə baş verib. Rayonun Qaratəpə kəndində məskunlaşan Laçın sakini 13 yaşlı Anar Fərzəliyev kəndin ərazisindən keçən su kanalına düşərək boğulub. Daxili İşlər Nazirliyinin məlumatına görə, onun meyitinin tapılması üçün tədbirlər görülür.
Bakının Əzizbəyov rayonunda yanğın olub. Rayonun Albalılıq qəsəbəsində Bakı sakini Nazimə Məmmədovanın ümumi sahəsi 70 kvadratmetr olan mağazasında baş verən yanğın nəticəsində mağazanın yanar konstruksiyaları və oradakı mallar sıradan çıxıb. Faktla bağlı araşdırma aparılır.
**
Bakının Səbail rayonunda baş verən yol qəzası ana bətnində olan körpənin ölümü ilə nəticələnib. Türkiyə vətəndaşı SÜLEYMAN KAYIKÇIOĞLU ilarə etdiyi «Mersedes» markalı avtomobillə Bakı sakinləri, TEYMUR QURBANOV və onun həyat yoldaşı RUMİYYƏNİ vurub. Xəsarət alan şəxslər xəstəxanada ilkin tibbi yardım göstərildikdən sonra evə buraxılsa da, Rumiyyə Qurbanovanın bətnindəki uşağı xilas etmək mümkün olmayıb.
**
Bakının Nəsimi rayonunda CƏMİL DÖVLƏTOVUN ölümü ilə nəticələnən yol qəzasını törədən «Mersedes» markalı avtomaşının sürücüsü, Bakı sakini 32 yaşlı ROMAN HƏSƏNOV tutulub.
**
Sumqayıt şəhərində, Bakı-Quba yolunun 50-ci kilometrliyində BƏHRUZ MƏMMƏDOVUN meyidinin tapılması faktı ilə əlaqədar keçirilən əməliyyat-axtarış tədbirləri nəticəsində, onun, «KamAZ» markalı avtomaşının sürücüsü, Rusiya vətəndaşı, əvvəllər məhkum olunmuş, RUBİL ASLANOV tərəfindən vurulması müəyyən edilib. Hadisəni törədən şəxs yaxalanıb.
**
Bakı Metropoliteninin 20 Yanvar stansiyasında Balaxanı qəsəbə sakini MƏMMƏD MƏMMƏDOVUN mobil telefonunu oğurlayıb qaçmağa cəhd edən Bakı sakini 37 yaşlı ELDAR MƏMMƏDOV yaxalanıb.
**
Metronun Qara Qarayev stansiyasının ərazisində isə Pakistan vətəndaşı MÜHƏMMƏD ZÜBAİRİNƏ 1 ədəd saxta 50 manatlıq əskinas verərək ondan geyim əşyası alan Xaçmaz sakini, əvvəllər məhkum olunmuş RASİM RAMAZANOV tutulub. Faktla əlaqədar Cinayət Məcəlləsinin 204-cü saxta pul və ya qiymətli kağızlar hazırlama və satma maddəsi ilə cinayət işi başlanıb.
**
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 10 cinayət hadisəsi müəyyən edilib, silah, döyüş sürsatı və partlayıcı maddələrlə bağlı 8 fakt aşkarlanıb.
**
Ötən gün ərzində 1 soyğunçuluq, 1 xuliqanlıq kimi ağır cinayət hadisəsi də daxil olmaqla, ümumilikdə 41 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 27-si «isti izlərlə» açılıb. Ötən günlərdən bağlı qalan 4 cinayət faktı da açılıb. Cinayət törətdiklərinə görə 25 nəfər, o cümlədən 3 nəfərdən ibarət 1 qrup tutulub. Bu və ya digər cinayətlərlə bağlı axtarışda olan 8 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Xatırladım ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdı.
Unutmayaq ki, qanun qorumaq və ona riayət etmək hər birmizin borcudur. / İctimai TV /