2009-CU İL AVROVİZİYA RƏQS MÜSABİQƏSİNİN AZƏRBAYCANDA KEÇRİLMƏSİ XALQIMIZIN MƏDƏNİYYƏTİNİN TƏBLİĞİ BAXIMINDAN BÖYÜK UĞURDUR
[11 fevral 2009]
Bu fikirlər Bakıda keçriləcək Avroviziya rəqs müsabiqəsinə həsr olunan mətbuat konfransında səslənib. Qeyd olunub ki, müsabiqədə Azərbaycanın uğurunu təmin etəmək üçün əsaslı işlər görüləcək. Ictimai Teleradio Yayımları Şirkətinin baş direktoru Ismayıl Ömərov konfrans iştirakçılarının nəzərinə çatdırdı ki, Avrovizya müsabiqəsində Azərbaycan özünü kifayət qədər müsbət mənada tanıdıb. 2009-cu ildə Avroviziya rəqs müsabiqəsinin Bakıda keçrilməsi Azərbaycanın ciddi iştirakçı kimi qəbul edilməsinin nəticəsidir. Təsadüfi deyl ki, 2008-ci ildə Azərbaycanda mahnı müsabiqəinin seçim turunun möhtəşəm təşkili Avroviziya rəhbərliyi tərəfindən də yüksək qiymətləndirilib. Bütün bunlar rəqs müsabiqəsinin tenderində Azərbaycanın qalib gəlməsi üçün zəmin yaradıb. Baş Direktor vurğuladı ki, müsabiqə 26 sentyabr 2009-cü ildə Bakı şəhərində keçriləcək. Bu çox böyük uğurdu. Uğurdu ona görə ki, ilk dəfə Qafqazda və Şərqdə Avroviziya Azərbaycanda keçrilcək. Bu tenderi udmağımız təkcə Itv-nin uğuru deyil. Bu böyük tədbirdi və bu böyük tədbiri dövlət idarələri ilə birlikdə udmuşuq. Gənclər və idman nazirliyi, həmçinin Rəqs idman konfederasiyası ilə birlikdə udmuşuq.
Itv-nin baş direktoru bildirdi ki, tenderin ciddi şərtləri olub. Və seçim qapalı şəkildə keçirilib. Aroviziya rəqs müsabiqəsini keçirməyə 5 ölkə iddialı olsa da, üstünlük Azərbaycana verilib. Tenderin şərtləri arasında müsabiqənin keçiriləcəyi ölkənin sabit və təhlükəsiz olması, iştirakçıların yüksək səviyədə təhlükəsizliyinə təminat da daxil olub.
Ismayıl Ömərov 2009-cu il Avroviziya rəqs müsabiqəsinin Azərbaycanda keçrilməsini ölkəmizin hərtərəfli təbliği baxımından da böyük əhəmiyyət kəsb etdiyini önə çəkdi:
“ Əldə etdiyimiz bu uğuru sentyabrın 26-da keçirəcəyimiz tədbirlə daha da şöhrətli edəcəyik. Dünya bir daha azərbaycanın müsiqisi, azərbaycanın inkişafı və tərəqqisi,azərbacan xalqının müsuqi mədəniyəti haqqında daha geniş məlumat alacaq. Respublikanın millətin, onun mədəniyyətinin bundan böyük təbliği ola bilməz. “
O ki, qaldı rəqs müsabiqəsində Azərbaycanı kimin təmsil edəcəyinə,- qeyd olundu ki, əvvəliki müsabiqələr kimi bu dəfə də iştirakçıların seçimi qapalı olacaq. Və onlar müəyyən edildikdən sonra ictimayyətə məlumat veriləcək. Gənclər və idman nazirliyinin əməkdaşı Fərhad Hacıyev bildirdi ki, Azərbaycanda keçriləcək rəqs müsabiqəsini yayımlamaq istəyən ölkələrin sayı 25-ə çatıb. Bu son rəqəm olmasa da, ötən rəqs müsabiqələrini yayımlayan dövlətlərin sayından daha çoxdu. O da bildirildi ki, Avroviziya 2009-rəqs müsabiqəsinin təşkilatı məsələlərində Azərbaycana “Euromediya luxen” şirkəti də kömək edəcək. Həmin şirkətin Avroviziya müsabiqələrində artıq bir neçə dəfə uğurlu nəticə əldə etdiyi bildirilidi. /İctimai TV/