İTV | İctimai Televiziya və Radio Yayımları Şirkəti

« Mart 2009

Ça

Çr

Cü

Şb

« Fevral 2009

Ça

Çr

Cü

Şb

ƏSAS SƏHİFƏ / İqtisadiyyat

PLASTİK KART İSTİFADƏÇİLƏRİ ÜÇÜN LOTEREYA KEÇİRİLƏCƏK
[11 fevral 2009]
Azərbaycan hökuməti ölkədə plastik kartlardan istifadəni həvəsləndirmək üçün yeni kampaniyaya hazırlaşır. Hələlik layihə şəklində olan təkliflərə görə, bundan sonra kartdlan istifadə edənlər arasında lotereya keçiriləcək. Ticarət məntəqələrinin kartlara maraq göstərməməsinin səbəbini yaxşı bilən dövlət qurumları, bu məsələdə alıcıları həvəsləndrmək niyyətindədirlər.
«Qazanmaq istəyirsənsə, pulunu kartla ödə».
Azərbaycanda plastik kartlardan istifadəni həvəsləndirmək üçün keçiriləcək kampaniyanı belə də adlandırmaq olar. Milli Bank və Vergilər Nazirliyi ölkədə kartlardan istifadəni artırmaq, daha dəqiqi kart sahiblərini buna həvəsləndirmək üçün yeni tədbirlərə hazırlaşırlar.
Bu tədbirlər xüsusilə ticarət obyüektlərində kartdan istifadəni artırmaq məqsədi daşıyır. İndi həmin təkliflər baxılmaq və lazım gələrsə, hansısa əlavələr edilmək üçün ölkənin kommersiya banklarına göndərilib.
Qeyd edək ki, qanuna görə, ölkənin bütün ticarət və xidmət obyektlərində kartlardan istifadəyə imkan yaradan pos-terminallar quraşdırılmalıdır. Amma hələlik bunlardan istifadə edən azdır. Yeni kampaniya da vəziyyəti düzəltmək üçün keçirilir. Beləliklə, məsələnin məğzi ondan ibarətdir ki, kartdan istifadə edənlər arasında lotereya keçiriləcək. Lotereyaya qoşulmaq üçün ticarət və ya xidmət məntəqələrində plastik kartla 10 manatdan artıq məbləğdə ödəniş aparmaq lazımdır. Bunu edənlər lotereyanın iştirakçısı olurlar. Ayda bir dəfə keçiriləcək lotereyanın uduş fondu 5000 manatdır. Burda hər ay 20 nəfərin qalib gələcəyi nəzərdə tutulub ki, onlar da hərəyə 250 manat uda biləcəklər. Xatırladaq ki, vaxtilə belə lotereyanı Vergilər Nazirliyi təşkil eləmişdi, o vaxt oyunda iştirak etmək üçün kassa çekləri toplamaq lazım idi. İndi isə bunun üçün kartı işlətmək kifayətdir. Kommersiya banklarında bu kampaniyanın uğuru barədə ehtiyatla danışsalar da, etiraf edirlər ki, kartdan istifadəni gücləndirmək üçün nəsə edilməlidir. Məsələ bundadır ki, bütün inzibati tədbirlərə və ölkədə 8 mindən artıq posterminal qurulmasına baxmayaraq ticarət və xidmət məntəqələrində ödənişin kartla aparılması yenə də aşağı səviyyədədir. Bəzən obyektdə postermnal olmur, bəzən posterminal işləmir, bəzən isə müştəri buna maraq göstərmir. Yeri gəlmişkən, müşahidələr göstərir ki, satıcılar kartdlan istifadədə qətiyyən maraqlı deyillər. Çükni pul kartla ödənəndə vergidən yayınmaq olmur, üstəlik krtdan istifadə üzrə xidmət haqqı da satıcıdan tutulur. Ona görə də posterminaldan istifadə ticarət obyektləri üçün sərfəli deyil. Deməli, bunu ikinci tərəf – yəni alıcılar üçün sərfəli etmək lazhımdır. Buna görə də çıxış yolu kimi lotereya seçilib.
Yeri gəlmişkən artıq kommersiya bankları belə aksiyalara başlayıblar. Məsələn bəzi bankların kartlarına sahib olanlar paytaxtın bəzi ticarət və iaşə məntəqələrində il boyu endirimlərdən istifadə edə bilərlər. Bu ticarət obyektlərindən alınan malların pulunu kartla ödəyəndə qiymətlərdə 15 %-ə qədər güzəşt edilir.