KRİMİNAL XƏBƏRLƏR
DİN-İN MƏLUMATI
[12 fevral 2009]
Dəvəçidə yanğın olub. Daxili İşlər Nazirliyinin məlumatına görə, Dəvəçi sakini Nühəddin Əliyevin ümumi sahəsi 130 kvadratmetr evində baş verən yanğın nəticəsində 100 kvadratmetr sahədə yanar konstruksiyalar və əşyalar sıradan çıxıb.
Bakının Xətai rayonunda yol qəzası baş verib. 21 yaşlı Esmira Əliyeva idarə etdiyi «Opel» markalı avtomobillə Bakı sakini Sevda Quliyevanı vurub. Xəsarət alan şəxs xəstəxanaya yerləşdirilsə də, onun həyatını xilas etmək mümkün olmayıb. Ümumilikdə ötən gün ərzində 2 nəfərin ölümü, 1-nin yaralanması ilə nəticələnən 3 yol-nəqliyyat hadisəsi qeydə alınıb.
**
Gəncədə narkotik vasitə satan şəxs yaxalanıb. 2 kiloqram 249 qram marixuananı satanın Gəncə sakini Eldar İlyasov olduğu müəyyənləşdirilib. **
Bakının Əzizbəyov rayonunda isə Füzuli sakini Rasim Atakişiyevə 1 kiloqram narkotik vasitəni satan həmyerlisi Şahmar İmranov və Beyləqan sakini Hümbət Talışov tutulub. Saxlanılan şəxslərdən əlavə olaraq heroin də götürülüb.

Bakının Nəsimi rayonunda 22 yaşlı qıza qarşı əxlaqsızlıq etməyə cəhd edən şəxs yaxalanb. Bakı sakini Nigar Usoltseva hay-küy saldığından 29 yaşlı Ramil Miriyev soyğunçuluğa əl atıb. O Nigarın mobil telefonunu alaraq hadisə yerindən qaçıb.Oğru əməliyyat-axtarış tədbirləri nəticəsində tutulub.
**
Yardımlıda oğurluq olub. Rayonun Şəfəqli kənd sakini Yalçın Ağayevin mağazasından ərzaq məhsulları, danışıq kartları və 100 manat pul oğurlayan həmyerlisi Zeynal Şabiyev tutulub.
**
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 13 cinayət hadisəsi müəyyən edilib, silah, döyüş sürsatı və partlayıcı maddələrlə bağlı 8 fakt aşkarlanıb.
**
Ötən gün ərzində 1 qəsdən adam öldürmə, 1 soyğunçuluq kimi ağır cinayət hadisəsi də daxil olmaqla, ümumilikdə 41 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 31-i «isti izlərlə» açılıb. Ötən günlərdən bağlı qalan 1 cinayət faktı da açılıb. Cinayət törətdiklərinə görə 38 nəfər, o cümlədən 4 nəfərdən ibarət 2 qrup tutulub. Bu və ya digər cinayətlərlə bağlı axtarışda olan 8 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Xatırladaq ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdır.
Unutmayaq ki, qanun qorumaq və ona riayət etmək hər birmizin borcudur. /İctimai TV/