KRİMİNAL XƏBƏRLƏR
DİN-İN MƏLUMATI
[19 fevral 2009]
Gəncə şəhər sakini, 52 yaşlı İlyas Abdullayev Tülalılar kəndində yaşayan qardaşı, 40 yaşlı Rasimin evində olarkən ailə münaqişəsi zəminində ov tüfəngindən atəş açaraq onu yaralayıb.

Xızı rayonu Yeni Yaşma kəndinin ərazisində, Sabirabad rayon sakini, İsmayıl Şirinov «MAZ» markalı avtomaşını idarə edərkən, onu aşırıb. Nəticədə sürücü hadisə yerində ölüb, xəsarət alan sərnişin Bakı şəhər sakini, Rövşən Həsənov isə xəstəxanaya yerləşdirilib.
**
Ümumilikdə ötən gün ərzində 1 nəfərin ölümü, 4-nün yaralanması ilə nəticələnən 2 yol-nəqliyyat hadisəsi qeydə alınıb.
**
Şirvan şəhəri Xaqani küçəsi ev 274-də yaşayan, Zabil Əliyevə məxsus ümumi sahəsi 230 kvm olan 1 mərtəbəli 5 otaqlı evdə yanğın baş verib.. 130 kvm sahədə evin yanar konstruksiyaları və oradakı əşyalar yanıb. Xəsarət alan Zabil Əliyevin oğlu, 1966-cı il təv. İlham isə xəstəxanaya yerləşdirilib, vəziyyəti orta-ağırdır. Araşdırmalar aparılır.
**
Bakının Səbail rayonunda oğurluq etdikləri üçün tutulan Orxan Babayevin, Valeh Əliyevin, Ramil Qurbanovun və Ruslan Məmmədovun ətraflarında aparılmış əməliyyat tədbirləri nəticəsində, onların, fevralın 2-nə keçən gecə, Bakı şəhər sakini, Abbas Əliyevə məxsus mağazadan 3100 manat pul oğurlamaları müəyyən edilib.
**
Əzizbəyov rayon polis idarəsi əməkdaşlarının yaxaladıqları cinayətkar qrup isə hətta məsciddəndə oğurluq etməkdən çəkimnməyib. Keçirilən əməliyyat-axtarış tədbirləri nəticəsində, Binə qəsəbə sindəki məscidin nəzir qutusundan qıfılı sındırmaq yolu ilə pul oğurlayan Bakı şəhər sakinləri 32 yaşlı Pərviz Əzimov, 33 yaşlı Mikayıl İsmayılov və 27 yaşlı Kamil Əzimov tutulub. Onlardan narkotik maddə olan heroin də aşkar edilərək kötürülüb.
**
Ədliyyə Nazirliyinin Penitensiar Xidmətinin 11 saylı Cəzaçəkmə Müəssisəsində cəza çəkən, 1965-ci il təv. Əbülfəz Kərimovun görüşünə gələn Bakı şəhər sakini, 31 yaşlı Tofiq Mehdizadə özü ilə gətirdiyi heroini məhbusa verərkən tutulub.
**
Abşeron rayonu - Saray qəsəbəsində Köhnə Corat kənd sakini, 24 yaşlı Fuad Pənahov kəsilmiş-deşilmiş xəsarətlə xəstəxanaya gətirilib. Keçirilən axtarış tədbirləri nəticəsində Fuad Pənahova bıçaqla xəsarət yetirən Saray qəsəbə sakini, 21 yaşlı Cavid Məmmədov tutulub.
**
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 17 cinayət hadisəsi müəyyən edilib, silah, döyüş sürsatı və partlayıcı maddələrlə bağlı 15 fakt aşkarlanıb.
**
Ötən gün ərzində 1 qəsdən adam öldürmə, 1 adam öldürməyə cəhd, 2 quldurluq kimi ağır inayət hadisəsi də daxil olmaqla, ümumilikdə 48 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 38-i «isti izlərlə» açılıb. Ötən günlərdən bağlı qalan 7 cinayət faktıda açılıb. Cinayət törətdiklərinə görə 48 nəfər, o cümlədən 9 nəfərdən ibarət 4 qrup tutulub. Bu və ya digər cinayətlərlə bağlı axtarışda olan 6 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Xatırladım ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdı.

Unutmayaq ki, qanun qorumaq və ona riayət etmək hər birmizin borcudur. /İctimai TV/