KRİMİNAL XƏBƏRLƏR
DİN-İN MƏLUMATI
[20 fevral 2009]
Bu gecə saat 4 radələrində Yasamal rayonunun İnşaatçılar prospektində, 21 yaşlı Aydın Quliyev «VAZ-2107» markalı avtomaşını ağaca vurub. Nəticədə, sürücü yerində ölüb, onun sərnişini 27 yaşlı Qulam Əliyevin isə vəziyyəti ağırdır.
Bakının Şüvəlan qəsəbəsində isə 31 yaşlı Ramil Qubadlı «VAZ-21093» markalı avtomaşını idrə edərkən, qəsəbə sakini, 56 yaşlı Dilarə Qafarovanı vurub. Xəsarətlə xəstəxanaya yerləşdirilən qadının həyatını xilas etmək mümkün olmayıb.
**
Xətai rayonunda 32 yaşlı Fuad Şabanov «Mersedes» maşını ilə Keşlə qəsəbə sakini, 50 yaşlı Mahmud Tahirovu vurub. xəstəxanaya aparılan piyada orada keçinib.
**
Ötən gün axşam saatlarında Qarasu-Udulu yolunun 18-ci km-də, Salyan rayon sakini, 41 yaşlı İlqar Seyfullayev «ZİL-133» markalı yük maşınını aşırıb.Nəticədə, sürücü hadisə yerində keçinib.
**
Ümumilikdə ötən gün ərzində 4 nəfərin ölümü, 1-nin yaralanması ilə nəticələnən 4 yol-nəqliyyat hadisəsi qeydə alınıb.
**
Yasamalda Murad Qafarova qarşı quldurluq edən şəxs yaxalanıb. Şərifzadə küçəsində, 13 yaşlı Murad Qafarovu bıçaqla hədələyərək mobil telefonunu ondan alanın Ədliyyə Nazirliyinin Penitensiar Xidmətinin 11 saylı Cəzaçəkmə Müəssisəsində cəza çəkən, 34 yaşlı Zöhrab Əmirhüseynov olduğu müəyyənləşib.
**
Nizami rayonunda Q.Qarayev prospektində Səxavət Quliyevin cibindən mobil telefonunu oğurlayan Sumqayıt sakini, 42 yaşlı Aslan Bəylərov tutulub.
**
Taksi sürücüsünə qarşı quldurluq edən Xırdalan sakini 38 yaşlı Elşad İslamov yaxalanıb. Elşad İslamov bir nəfər yoldaşı ilə yanvarın 31-də saat 23.30 radələrində 32 yaşlı Seymur Cəfərovun idarə etdiyi «Mersedes» avtomaşına sərnişin qismində oturaraq Xırdalana sürdürüb. Xırdalan ərazisində, onlar, sürücünü bıçaqla hədələyərək gödəkçəsini, mobil telefonunu və 3 bankomat kartını ondan alıblar.
**
Biləsuvar rayonunda 18 yaşlı Əkrəm Ağayev kəllə-beyin xəsarəti ilə xəstəxanaya gətirilib. Araşdırma zamanı Əkrəmin qohumu, 37 yaşlı Cəmşid Ağayev tərəfindən döyülməsi müəyyən edilib. Cəmşidə qarşı CM-nin 126-cı - qəsdən sağlamlığa ağır zərər vurma maddəsi ilə cinayət işi başlanıb.
**
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 15 cinayət hadisəsi müəyyən edilib, silah, döyüş sürsatı və partlayıcı maddələrlə bağlı 9 fakt aşkarlanıb.
**
Ötən gün ərzində 2 qəsdən sağlamlığa ağır zərər vurma, 1 soyğunçuluq, 3 xuliqanlıq kimi ağır inayət hadisəsi də daxil olmaqla, ümumilikdə 45 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 30-u «isti izlərlə» açılıb. Ötən günlərdən bağlı qalan 1 cinayət faktıda açılıb. Cinayət törətdiklərinə görə 42 nəfər, o cümlədən 6 nəfərdən ibarət 2 qrup tutulub. Bu və ya digər cinayətlərlə bağlı axtarışda olan 9 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Xatırladım ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdı.

Unutmayaq ki, qanun qorumaq və ona riayət etmək hər birmizin borcudur. /İctimai TV/