AZƏRBAYCAN «AVROVİZİON-2008» BEYNƏLXALQ MAHNI MÜSABİQƏSİNİN FİNALINA VƏSİQƏ QAZANDI
[21 May, 2008]
Serbiyanın paytaxtı Belqradda «Avrovizion-2008» Beynəlxalq mahnı müsabiqəsinin ilk yarımfinalı keçirilib. Elnur Hüseynov və Samir Cavadzadə ilk dəfə olaraq Avropanın ən nüfuzlu musiqi yarışmasında iştirak edən Azərbaycanın adını final mərhələsinə yazdırıb. Bu möhtəşəm musiqi bayramını Azərbaycan məkanında ekskuliziv olaraq İctimai Televiziya yayımlayıb.
Serbiyanın paytaxtındakı «Belqrad Arenada» keçirilən «Avrovizion 2008» Beynəlxalq mahnı müsabiqəsinin açılış mərasimi uşaq xorunun ifasında «Avroviziya» himninin oxunması ilə başlanıb.
Daha sonra Serbiyanın milli geyimində gənc rəqqasslar Balkan musiqisinin sədaları altında rəqs nümunələri ifa edib.
Klassik geyimdə səhnəyə çıxan Serbiyanın ən məhşur aparıcıları nəhayət ki, «Avrovizion 2008» Beynəlxalq mahnı müsabiqəsinin ilk yarımfinal iştrirakçılarının təqdim edib. Yarımfinalçılardan səhnəyə birinci olaraq Çernoqoriyalı Stefan Filipoviç çıxıb. Sonra növbə ilə İsrail, Moldova, Estoniya, San-Marino, Belçika nümayəndələri musiqilərini təqdim edib. Bu il müsabiqədə ilk dəfə iştirak edən ölkələr isə Azərbaycan və San-Marinodu. Nəhayət ki, Azərbaycan tamaşaçıları üçün ən həyacanlı an - Elnur Hüseynov və Samir Cavadzadənin ifa etdiyi «Day after day» mahnısı təqdim olunub.
Elnur Hüseynov və Samir Cavadzadənin səhnələşdirdikləri «Day after day» musiqisi «Belqrad Arenada» böyük alqışlarla qarşılanıb.
Beləliklə, Avropanın 19 fərqli mədəniyətləri arasında Azərbaycan təmsilçiləri yarışın final mərhələsinə vəsiqə qazanıb. Xatırladaq ki, yarşın qaydalarına əsasən, müsabiqədə iştirak edən ölkə öz nümayəndəsinə deyil, digər ölkənin təmsilçilərinə səs verə bilər. Azərbaycandan sonra Sloveniya, Norveç, Polşa, İrlandiya, Andorra, Bosniya və Herseqovina, Ermənistan, Niderland, Finlandiya, Rumıniya, Rusiya və Yunanıstan nümayəndələrinin çıxışları dinlənilib. Azərbaycanla yanaşı İsrail, Norveç, Polşa, Bosniya və Herseqovina, Ermənistan, Finlandiya, Rumıniya, Rusiya və Yunanıstan təmsilçiləri də final məhrələsinə adını yazdırıb.
52 ildir keçirilən Avrovizion Beynəlxalq mahnı müsabiqəsi Avropanın 40 dan çox ölkəsinə yayımlanıb. Azərbaycanda isə bu musiqi həyacanını milyonlarla tamaşaçıya canlı olaraq İctimai Televiziya yaşadıb. Qeyd edək ki , müsabiqənin İkinci yarımfinal mərhələsi mayın 22-də, final isə mayın 24-də Bakı vaxtıyla gecə saat 12-də keçiriləcək. Final mərhələsinin püşkatmasına əsasən Azərbaycan 25 iştirakçı arasında 20 yerdə çıxış edəcək. Yarımfinalda odluğu kimi Azərbaycan təsmilçilərinin finalda da uğurla çıxış edəcəyinə inanırıq. /İctimai TV/