KRİMİNAL XƏBƏRLƏR
DİN-İN MƏLUMATI
[23 fevral 2009]
Bu gün səhər Sumqayıt şəhəri 9-cu mikrarayon ev 12 mənzil 71-də qaz sızmasından partlayış baş verib. Səhər saatlarında baş verən qəza nəticəsində adı çəkilən mənzilin sakini 22 yaşlı Rəna Cəfərova yanıq xəsarətləri alıb. O, Sumqayıt şəhər travmatoloji xəstxanasına yerləşdirilib. «Carçı»-nın hadisə yerində olan əməkdaşı Vüqar Nəzərovun verdiyi məlumatına görə partlayış mənzilin mətbəxində olub. Hazırda hadisə yerində Fövqəladə Hallar Nazirliyinin əməkdaşları araşdırma aparır.
*****************
Bakının Bülbülə qəsəbəsi, 1-ci Mədən yaşayış sahəsində,16 aşlı Şöhrət Həsənov münaqişə zəminində qonşususu, 27 yaşlı Kamal İsmayılovu bıçaqla qətlə yetirib. Şöhrət Həsənov Suraxanı rayon 31-ci polis bölməsinin əməkdaşları tərəfindən həbs olunub
*****************
Binəqədi rayonunda da bıçaqlanma hadisəsi qeydə alınıb. Ziya Bünyadov prospektində, Astara rayon sakini, 22 yaşlı Tusif Talıbov münaqişə zəminində, həmyerlisi, 23 yaşlı Rahim Babayevə bıçaqla xəsarət yetirib. İlkin araşdırma zamanı məlum olub ki, hər iki şəxs qohumdur. Az miqdarda pul mübahisəsi qohumlar arasında mübahisəyə, sonradan isə qeyd olunan cinayət hadisəsinin törədilməsinə səbəb olub.
*****************
Yasamal rayonu Şərifzadə küçəsində də oxşar hadisə baş verib. Bakı şəhər sakini, 29 yaşlı Vüqar Ələkbərov münaqişə zəminində, qohumu, Sumqayıt şəhər sakini, 30 yaşlı Rza Muxtarova bıçaqla xəsarət yetirib. Vüqar Ələkbərov tutulub.
*****************
Fevralın 22-də axşam saatlarında Xızı rayonunu ərazisində, Giləzi-Sitalçay dəmiryol xəttinin qorunan keçidində, 610 saylı Yalama-Keşlə elektrik qatarıı, Şəmkir rayon sakini, Nizami Quliyevin idarə etdiyi «Akkord» şirkətlər qrupuna məxsus «KamAZ» markalı avtomaşınla toqquşub. Nəticədə kamazın sürücüsü hadisə yerində keçinib. Qatarın 1-ci vaqonu isə zərbədən relsdən çıxıb. Görülmüş tədbirlər nəticəsində, qatarların hərəkəti bir müddət sonra bərpa olunub.
*****************
Bərdə rayonunda yol qəzası baş verib. Ağcabədi-Yevlax yolunda Zərdab rayon Çallı kənd sakini 32 yaşlı Şəhriyar Muradovun idarə etdiyi VAZ 21-06 markalı avtomobil yoldan çıxaraq əks istiqamətdə hərəkət edən Bərdə rayon Türkmən kənd sakini 35 yaşlı Xaliq Ləliyevin idarə etdiyi VAZ 21- 011 markalı maşınla toqquşub. Nəticədə hər iki sürücü və VAZ 21011 markalı avtobildə olan sərnişin- Bərdə rayon Türkmən kənd sakini 29 yaşlı Elman Məmmədov yaralanıb. Xəsarət alanlar Bərdə rayon Mərkəzi xəstəxanasına yerləşdirilib.
*****************
Bakının Səbail rayonu Neftçilər prospektində də bir nəfərin ölmü ilə nəticələnən yol nəqliyat hadisəsi baş verib. Bakı şəhər sakini, 19 yaşlı Elxan Bəkirzadə idarə etdiyi «Mersedes» markalı avtomobilə 71 yaşlı Səlim Orucovu vurub.
*****************
Paytaxtın Nizami rayonu Qara Qarayev prospektində, Ağsu rayon sakini, Sərxan Hacıyev «VAZ-2107» markalı avtomobili idarə edərkən, Bakı şəhər sakinləri, Minarə Məmmədova və onun qızı Təhminəni vurub. Hadisə nəticəsində Minarə Məmmədova hadisə yerində ölüb, xəsarət alan Təhminə isə xəstəxanaya yerləşdirilib.
*****************
Ümumilikdə ötən gün ərzində 4 nəfərin ölümü, 4-nün yaralanması ilə nəticələnən 5 yol-nəqliyyat hadisəsi qeydə alınıb.
*****************
Sabunçu rayonu Bilkəh qəsəbəsi, Üzeir Hacıbəyov küçəsi döngə 1 ev 20-də yaşayan, 72 yaşlı Rəfiqə Salahzadənin həyətindəki hamamda təbii qazın sızmasından partlayış baş verib. Partlayış nəticəsində Rəfiqə Salahzadənin qohumu, Bülbülə qəsəbə sakini, 43 yaşlı Yaşar Babayev həlak olub.
*****************
Bakı şəhər sakini, İslam Musayevdən 1 ədəd 5 və 1 ədəd 20 manatlıq saxta əsginazlar aşkar edilərək götürülüb. Keçirilən əməliyyat-axtarış tədbirləri nəticəsində, İslam Musayevin saxta pul hazırladığı printer, 1000 ədəd kağız aşkar edilərək götürülüb. Araşdırmalar zamanı məlum olub Ki, İslam Musayev qeyd edilən əşiyaları qohumu Elnur Orucoğlunun həyətində gizlədib.
*****************
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 3 cinayət hadisəsi müəyyən edilib.
*****************
Ötən gün ərzində, 1 qəsdən adam öldürmə, 3 qəsdən sağlamlığa ağır zərər vurma, 1 soyğunçuluq kimi ağır inayət hadisəsi də daxil olmaqla, ümumilikdə 24 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 13-ü «isti izlərlə» açılıb. Cinayət törətdiklərinə görə 17 nəfər, o cümlədən 2 nəfərdən ibarət 1 qrup tutulub. Bu və ya digər cinayətlərlə bağlı axtarışda olan 4 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Xatırladım ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdı. Unutmuyaq ki, qanun qorumaq və ona riayət etmək hər birmizin borcudur. /İctimai TV/