AMERIKA KINO AKADEMIYASININ 81-CI OSKAR MÜKAFATLANDIRMA MƏRASIMI YEKUNLAŞIB
[23 fevral 2009]
Hollivudda Kodak teatrında keçirilən 81-ci Oskar mükafatlandırma mərasimin aparıcılığı 40 yaşlı Avstraliyalı Xyu Cekmana həvalə olunub. Amerika Kino Akademiyası britaniyalı rejissor Denni Boylun “Xarabalıqdan çıxan milyonçu” filmi 2008-ci ilin ən yaxşı filmi nominasiyasına layiq görülüb. Şon Penn “Harvi Milk” filmində oynadığı rola görə ilin ən yaxşı aktyoru seçilib. Keyt Uinslit “Qiraətçi” filmindəki roluna görə ilin ən yaxşı qadın rolu nominasiyasına layiq görülüb. Mükafatlandırma zamanı Devid Finçerin “Bencamin Battonun müəmmalı əhvalatı" adlı kino-film 13 kateqoriyada Oskar mükafatına layiq görülüb. ““Dəyişmə”, “Qara cəngavər” “Hersoginya ” və “Dəyişikliklər yolu” kino-filmləri isə quruluşcu rəssam kateqoriyasında təltif olunan ən yaxşı filmlər hesab edilib. Ən yaxşı kostyum kateqoriyasında isə Hersoginiya filmi Oskara layiq bilinib. “Vikki Kristina Barselona” filmində oynadığı rola görə Penelope Krus qadın rolunun ən yaxşı ifaçısı nominasiyaya üzrə mükafatla təltif olunub. Ən yaxşı orijinal senari üzrə mükafatı isə Dastin Lens Blek əldə edib. Əlbəttə ki, dünya maliyyə böhranı Oskar mükafatlarına da təsir edib. Ən böyük reklam istehsalçıları mükafatların təqdimatı zamanı reklam çarxlarının nümayiş etdirməkdən boyun qaçırıb. Belə ki, Mərasimin televiziyada yayımı zamanı məşhur avtomobil konserni “Ceneral Motors” və Loreal kosmetika şirkəti reklam çarxlarının yayımlanmasından imtina edib. Bundan əlavə, 30 dəqiqəlik reklam blokunun qiyməti də aşağı düşüb. Lakin, Amerika kino akademiyası televiziya yayımlarından gələn mənfəətlərini saxlamaq üçün ilk dəfə Oskar mükafatlandırma məraismi zamanı yeni kino-filmlərin reklamlarını yayımlamağı qərara alıb. Qeyd edək ki, Amerika və dünya kinematoqrafiyasında ən yüksək və nüfuzlu mükafat sayılan Oskar 1929 il mayın 16-da təsis edilib və hər il Amerika kinoakademiyası tərəfindən Kodak teatrında təqdim olunur. /İctimai TV/