KRİMİNAL XƏBƏRLƏR
DİN-İN MƏLUMATI
[26 fevral 2009]
Bakıda daha bir nəfər dəm qazından boğulub. Daxili İşlər Nazirliyinin məlumatına görə, bu, paytaxtın Sahil qəsəbə sakini 16 yaşlı Vüsal Zərbəliyevdir.
Paytaxtın Əzizbəyov rayonunda qəza baş verib. Zirə qəsəbə sakini 34 yaşlı Telman Cavadov idarə etdiyi «VAZ-2106» markalı avtomobili elektrik dirəyinə vurub. Nəticədə sürücü hadisə yerində keçinib.
**
Bakının Maştağa qəsəbəsində isə Naxçıvan Respublikasının Şərur sakinləri - Rəvan Tağıyev və Səbuhİ Nəbiyevİ vuran şəxsin kimliyi müəyyənləşdirilib. Zəruri tədbirlər nəticəsində qəza törədən «VAZ-21-05» markalı avtomaşının sürücüsü, Maştağa qəsəbə sakini Eldar Hacıyev tutulub. Hadisə zamanı xəsarət alan şəxslər isə xəstəxanaya yerləşdirilib. Onların vəziyyətinin orta-ağır olduğu bildirilir.
**
Ədliyyə Nazirliyi Penitensiar Xidmətinin 9 saylı Xüsusi Müəssisəsindən qaçan Ənvər Sadıqov yaxalanıb.
**
Lerikdə narkotik vasitə satan İran vətəndaşları da tutulub. 51 yaşlı Fazil Eynulla və 42 yaşlı Nüsrət BAbazadədən 2 kiloqram tiryək götürülüb. Bakının Nərimanov rayonunda isə 67 yaşlı Akif Əliyevdən 2 kiloqrama yaxın marixuana götürülüb.
**
Sumqayıt şəhərində oğurluq hadisəsi törədilib. Şəhər sakini Klavdiya Bondarenkonun 2000 manat pul oğurlayanın Elşən Heydərov olduğu müəyyən edilib.
**
Sumqayıtda oğurluq edən daha 2 nəfər tutulub. Samir Abbasovun evindən oğurluq edənlərin Beyləqan rayon sakini- 24 yaşlı Rahil Nəsibov və Sumqayıt sakini 23 yaşlı Emin Qafarov olduğu müəyyənləşdirilib.
**
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 12 cinayət hadisəsi müəyyən edilib, silah, döyüş sürsatı və partlayıcı maddələrlə bağlı 6 fakt aşkarlanıb.
**
Ötən gün ərzində, 1 zorlama, 1 quldurluq, 3 xuliqanlıq kimi ağır inayət hadisəsi də daxil olmaqla, ümumilikdə 40 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 24-ü «isti izlərlə» açılıb. Cinayət törətdiklərinə görə 31 nəfər, o cümlədən 4 nəfərdən ibarət 2 qrup tutulub. Bu və ya digər cinayətlərlə bağlı axtarışda olan 19 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Xatırladım ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdı. Unutmuyaq ki, qanun qorumaq və ona riayət etmək hər birmizin borcudur. /İctimai TV/