İTV | İctimai Televiziya və Radio Yayımları Şirkəti

« Mart 2009

Ça

Çr

Cü

Şb

« Fevral 2009

Ça

Çr

Cü

Şb

ƏSAS SƏHİFƏ / İqtisadiyyat

YAŞAYIŞ BİNALARININ ALTINDAKI OBYEKTLƏRİN İŞİNDƏ DƏYİŞLİKLİK OLMAYACAQ
[25 fevral 2009]
Yaşayış binaların altındakı obyektlər bundan sonra da kommersiya və sahibkarlıq məqsədilə istifadə oluna bilər və bununla bağlı hansısa qanunda heç bir dəyişiklik nəzərdə tutulmayıb. Bu barədə dövlət əmlak komitəsi bəyan edir. Son vaxtlar mənzil məcəlləsinin müzakirəsi ilə bağlı yayılan məlumatlara münasibətini açıqlayan komitə bəyan edib ki, mənzil məcəlləsinin müddəaları qeyri yaşayış sahələrinə şamil olunmur. Ümumilikdə isə məcəlləyə görə, hətta adi mənzillərdən də obyekt kimi istifadə etmək olar.
Yaşayış binaların altındakı obyektlər bundan sonra da kommersiya və sahibkarlıq məqsədilə istifadə oluna bilər və bununla bağlı hansısa qanunda heç bir dəyişiklik nəzərdə tutulmayıb. Bu barədə Dövlət Əmlak Komitəsi bəyan edir. Məsələ bundadır ki, son vaxtlar parlamentdə Mənzil Məcəlləsinin müzakirəsi, və bu müzakirələrdə səslənən bəzi təkliflərdən sonra yaşayış binalarındakı obyektlərin kommersiya məqsədilə istifadəsinə qadağa qoyulacağı ilə bağlı məlumatlar yayılmağı başlayıb. Bu həm indi həmin obyektlərdə iş quran sahibkarların, həm də bunu etməyi planlaşdıran iş adamlarının narahatlığına və çaşqınlığına səbəb olub. Dövlət Əmlakının İdarə Edilməsi üzrə Dövlət Komitəsi bu məsələlərə aydınlıq gətirib. Komitənin hüquq şöbəsi bəyan edir ki, əvvəla Mənzil Məcəlləsi yalnız yaşayış sahələrinə, yəni mənzillərə aid məsələləri tənzimləyir. Bu sənədin tələbləri qeyri yaşayış sahələrinə, yəni obyektlərə şamil olunmur. Komitənin hüquq şöbəsinin rəis müavini İlqar Hüseynov: «İndi müzakirə olanan mənzil məcəlləsinin layihəsinin müddəaları dövlət mülkiyyətində olan qeyri yaşayış sahələrinin özəlləşdirilməsinə icarəyə verilməsinə və özəlləşdiriləndən sonra komersiya məqsədilə istifadə edilməsinə şamil olunmur»
Burda qeyd etmək yerinə düşər ki, qanuna görə, yaşayış binasındakı mənzillər «Mənzil fondunun özəlləşdirilməsi haqqında» qanunla, qeyri yaşayış sahələri, yəni obyektlər isə «Dövlət əmlakının özəlləşdirilməsi haqqında» qanunla özəlləşdirilir. Yəni eyni binadakı mənzillərin və kommersiya obyektlərinin statusu tamamilə başqa qanunlarla tənzimlənir və bunların biri–birinə aidiyatı yoxdur. Elə özəlləşdirmə haqqında qanun əsasında son 5 ildə ölkədə 11500-dən artıq kiçik dövlət müəssisəsi və obyekti özəlləşdirilib. Bu proses indi də davam edir. Həmin obyektlərdən qanuna uyğun istifadə olunmasına nəzarəti də Dövlət Əmlak Komitəsi həyata keçirir. Son vaxtlar yayılan məlumatların əksinə olaraq komitədə bildirirlər ki, bu obyektlərin sahibkarlıq və kommersiya məqsədilə istifadəsiylə bağlı heç bir məhdudiyyət və dəyişiklik nəzərdə tutulmayıb: «Xüsusilə vurğulanmalıdır ki, istər indiyədək özəlləşdirilmiş, istərsə dəözəlləşdirilməsi nəzərdə tutulan, istər hal hazırda, icarədə olan yaşayış binalarında yerləşən dövlət qeyri-yaşayış sahələrinin kommersiya və sahibkarlıq fəaliyyəti üçün istifadə edilməsi hər hansı qanunla məhdudlaşdırılmayıb və gələcəkdə də məhdudlaşdırılması nəzərdə tutulmayıb».
Yəni bu sahələr indiyədək necə istifadə olunurdusa, iş adamları bundan sonra da onlardan eyni formada istifadə edə biləcəklər. Yəni bu məsələdə dəyişiklik yoxdur. Üstəlik Mənzil Məcəlləsinin layihəsinə görə, hətta yaşayış mənzilləri də sahibkarlıq və kommersiya məqsədilə istifadə oluna bilər. Bir şərtlə ki, bu qonşulara mane olmasın, onlara bir narahatlıq yaratmasın. Məcəllənin «Yaşayış sahəsinin təyinatı və ondan istifadə etmək hüdudları»na aid olan 14-cü müddəsində bildirilir ki, «yaşayış sahəsində qanuni əsaslarla yaşayan fiziki şəxslərə həmni yaşayış sahəsindən peşə fəaliyyəti və ya fərdi sahibkarlıq fəaliyyətini həyata keçirmək məqsədilə istifadəsinə yol verilir, o şərtlə ki, bu digər şəxslərin hüquqlarını və qanuni mənafelərini, habelə yaşayış sahəsi üçün müəyyən edilən tələbləri pozmasın».