KRİMİNAL XƏBƏRLƏR
DİN-İN MƏLUMATI
[26 fevral 2009]
Şirvan şəhər İsmət Qayıbov küçəsi ev 61-də yaşayan, 20 yaşlı Şəhriyar Cəlalbəyli bıçaq yarası ilə xəstəxanaya gətirilib və orada keçinib. Əməliyyat-axtarış tədbirləri nəticəsində hadisəni münaqişə zəminində törədən, Şirvan şəhər sakini, 19 yaşlı Natiq Əsədov tutulub.
Bu gün səhər Göygöl rayonun Səbuhi Hacıyev küçəsində kişi meyiti aşkar olunub. Meyitə baxış keçirən rayon polis şöbəsinin əməkdaşları onun 84 yaşılı Zülfi Şə-bəndiyev olduğunu müəyyən edib. Bölgə müxbirimizin verdiyi məlumata görə Zülfi Şəbəndiyev evinin qabağında, yatdığı döşəyin üzərində aşkar olununb.
Bakının Sabunçu qəsəbəsi ərazisində isə naməlum şəxs, qəsəbə sakini, 34 yaşlı Sevinc Qələmdarovanı bıçaqla hədələyərək içərisində pul, mobil telefon və şəxsi sənədlər olan çantasını ondan alıb. Əməliyyat-axtarış tədbirləri nəticəsində Seçinc Qələndərovaya qarşı quldurluq edən Zabrat qəsəbə sakini, 24 yaşlı Bəhlul Yaqubov tutulub.
**
Nəsimi rayonu Səməd Vurğun küçəsində isə naməlum şəxs, Bülbül prospekti ev 90-da yaşayan, 16 yaşlı Cabbar Nəhmədovu bıçaqla hədələyərək mobil telefonunu ondan alıb. Cabbar Nəhmədova qarşı quldurluq edən Bakı şəhər sakini, 32 yaşlı Fərhad Feyzullayev tutulub.
**
Sumqayıt şəhərində də oxşar hadisə baş verib. Şəhərin 17-ci mikrorayon ərazisində, naməlum şəxs, Sumqayıt şəhər sakini, Nuridə Şəmsiyevaya qarşı zor tətbiq edərək içərisində mobil telefon, 70 manat pul, 2 ədəd bankomat kartı və şəxsi sənədlər olan çantasını ondan alıb. Axtarış nəticəsində Nuridə Şəmsiyevə qarşı soyğunçuluq edən Corat qəsəbə sakini, 22 yaşlı Əlibala Salahov sajxlanılıb.
**
Bakının Yasamal rayonu Mətbuat prospektində, müəyyən edilməyən avtomaşınla, Xocalı rayon sakini, 59 yaşlı Züleyxa Dünyamalıyeva vurulub. Xəstəxanaya yerləşdirilən zərərçəkənin həyatını xilas etmək mümkün olmayıb.
**
Ümumilikdə ötən gün ərzində 1 nəfərin ölümü, 4-nün yaralanması ilə nəticələnən 3 yol-nəqliyyat hadisəsi qeydə alınıb.
**
Narkotik vasitə ilə tutulan, Bakı şəhər sakini, 1970-ci il təvəllüdlü Elman Əhmədovun ətrafında aparılan əməliyyat tədbirləri nəticəsində, onun ayrı-ayrı vaxtlarda Bakı şəhər sakinləri 24 yaşlı Ramil Məmmədova və 23 yaşlı Teymur Bağırova qarşı quldurluq etməsi müəyyən olunub. Hər iki quldurluq faktı eyni üsulla törədilib. Belə Ki, Elman Əhmədov əlbir olduğu şəxslərlə zərərçəkənlərin avtomaşınlarına sərnişin qismində oturub müxtəlif istiqamətlərə sürdürmüş, əlverişli məqam tapdıqda isə sürücüləri bıçaqla hədələyərək avtomaşınlarını, pullarını və mobil telefonlarını onlardan alımışlar. Faktla bağlı araşdırmalar davam edir.
**
Lənkəran rayon sakini, Mübariz Əzimov isə narkotik vasitə olan heroin satarkən tutulub. Baxış zamanı onun üzərindən əlavə heroin aşkar edilərək götürülüb.
**
Şirvan şəhər sakini Telman Məmmədov da heroin götürülüb. Telman Məmmədova narkotik vasitəni satan həmyerlisi, əvvəllər məhkum olunan Mussa Musayev də saxlanılıb.
**
Ağcabədi rayonu Aran kənd sakini, Əsmət Kərimovaya məxsus ümumi sahəsi 180 kvm olan 1 mərtəbəli 5 otaqlı evində yanğın baş verib. Alov tez bir zamanda evin yanar konstruksiyalarını və oradakı əşyaları məhv edib. Araşdırmalar aparılır.
**
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 13 cinayət hadisəsi müəyyən edilib, silah, döyüş sürsatı və partlayıcı maddələrlə bağlı 2 fakt aşkarlanıb.
**
Ötən gün ərzində, 1 qəsdən adam öldürmə, 1 zorlama, 3 xuliqanlıq kimi ağır inayət hadisəsi də daxil olmaqla, ümumilikdə 38 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 25-i «isti izlərlə» açılıb. Ötən günlərdən bağlı qalan 5 cinayət faktıda açılıb. Cinayət törətdiklərinə görə 32 nəfər, o cümlədən 4 nəfərdən ibarət 2 qrup tutulub. Bu və ya digər cinayətlərlə bağlı axtarışda olan 7 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. /İctimai TV/