KRİMİNAL XƏBƏRLƏR
DİN-İN MƏLUMATI
[28 fevral 2009]
Azərbaycanın Beyləqan rayonunda da cinayət hadisəsi baş verib. 13 yaşlı oğlan həmyaşıdını öldürüb. Daxili İşlər Nazirliyinin məlumatına görə, rayonun Eyvazalılar kənd sakini Oruc Cabbarov ov tüfəngi ilə ehtiyatsız davrandığından həmkəndlisi Xəyal Mirzəyevə atəş açıb. Xəyal Mirzəyev aldığı xəsarətdən keçinib.
**
Bakının Buzovna qəsəbə sakini Ellada Şevçenkonu zorlayan 22 yaşlı Emin Nəcəfov və 26 yaşlı Fariz Balabəyov tutulub.
**
Paytaxtın Maştağa qəsəbəsindəki mağazalardan birində oğurluq olub. Qəsəbə sakini Şahəddin Rəhimovun mağazasından 300 manat pul və danışıq kartları oğurlayan Binə qəsəbə sakini 29 yaşlı Altay Hüseynov tutulub.
**
Xaçmazda 15 yaşlı Elşad Yusifova küt alətlə xəsarət yetirib, mobil telefonunu ondan alan şəxs yaxalanıb. Əməliyyat-axtarış tədbirləri nəticəsində soyğunçuluq edənin Köhnə Xaçmaz kənd sakini 21 yaşlı Fuad Beydullayev olduğu müəyyənləşdirilib.
**
Bakının Xətai rayonunda isə RƏŞAD ƏLİYEV və VAQİF QULİYEVİN mobil telefon, pul və şəxsi sənədlərini oğurlayan Ağdaş sakini 22 yaşlı RUSLAN ABDULLAYEV tutulub.
**
Qobustanda Malik Məmmədovun «VAZ-2106» markalı avtomobili oğurlanıb. Əməliyyat-axtarış tədbirləri nəticəsində avtomaşını qaçıran Qobustan sakini Qalib Novruzov yaxalanıb.
**
Samuxda qanunsuz daşınan 2.220 şüşə qab çaxır aşkar edilib. Rayonun Qarayeri qəsəbəsində Gəncə sakini Yalçın Atayevin idarə etdiyi «Mersedes» markalı avtobusa baxış zamanı müvafiq sənədləri olmayan çaxır şüşə qabları götürülüb. Faktla bağlı araşdırma aparılır.
**
Ümumilikdə həyata keçirilən əməliyyat-axtarış tədbirləri nəticəsində ötən gün narkotik və güclü təsiredici maddələrlə əlaqədar 9 cinayət hadisəsi müəyyən edilib, silah, döyüş sürsatı və partlayıcı maddələrlə bağlı 7 fakt aşkarlanıb.
**
Ötən gün ərzində, 2 xuliqanlıq kimi ağır inayət hadisəsi də daxil olmaqla, ümumilikdə 35 cinayət faktı qeydə alınıb. Həyata keçirilən təxirəsalınmaz tədbirlər nəticəsində onlardan 34-ü «isti izlərlə» açılıb. Cinayət törətdiklərinə görə 48 nəfər, o cümlədən 8 nəfərdən ibarət 4 qrup tutulub. Bu və ya digər cinayətlərlə bağlı axtarışda olan 15 nəfər də yaxalanaraq istintaq orqanına verilib. Ölkədə kriminogen durum nəzarətdə saxlanılmaqla, ictimai asayişin qorunması və ictimai təhlükəsizliyin təmini istiqamətində tədbirlər davam edir. Nəzərinizə çatdıraq ki, Daxili İşlər Nazirliyinin «102» xidməti gün ərzində müraciətlərinizi qəbul etməyə hazırdı.
Unutmayaq ki, qanun qorumaq və ona riayət etmək hər birmizin borcudur. /İctimai TV/