ƏKİN SAHƏLƏRİNİN SUVARILMASINDA CİDDİ PROBLEMLƏR VAR
[17 Yanvar, 2008]
Azərbaycandakı əkin sahələrərinin suvarılmasında yaranan problemlərin aradan qalıdrılmasını nəzərdə tutan yeni proqram hazırlanıb. Ölkə ərazisində yeni suvarma sistemləri, nasos stansiyalarının quraşdırılmasını nəzərdə tutan proqramın icrası üçün 7 il vaxt və 2 miyard manat vəsait tələb olunur.
Azərbaycanda kənd təssərrüfatına yararlı torpaqların sahəsi 4 milyon 524 min 800 hektardır ki, bunun da 1 milyon 432 min 700 hektarı suvarılan topraqlara aid edilir. Kənd təssərrüfatı nazirliyindən deyirlər ki, bu gün ölkədəki əkin sahələrinin suvarılmasında ciddi problemlər var. Naziriliyin torpaqların istifadəsinə nəzarət, melorasiya və təbiətin mühafizəsi şöbəsinin müdiri Qurbanəli Hüseynov bildirdi ki, bunun əsas səbəbi əksər suvarma sistemlərinin, nasos stansiyalarının sıradan çıxmasıdır. Hesablamalara görə, suvarılan topraqlara çəkilən 82,3 min kilometrlik təssərrüfat daxili suvarma sistemi və xeyli sayda kollektor derenaj istismara yararsız haldadır. problemin aradan qalıdırması üçün nə qələr vəsaitin lazım olduğu artıq hesablanıb və müvafiq proqram işlənilib.
Şöbə müdiri dedi ki, hazırda suvarma sistemlərinin bərbad vəziyyətdə olması ölkə ərazsində- xüsusən mərkəzi aran, mil və muğan rayonlarında torpaqların təkrar şoranlaşmasına səbəb olur. Bu sahədə ən pis vəziyyət, Kürdəmir, Ucar, Zərdab rayonlarındadır. Mütəxəssislər deyir ki, təkrar şoranlaşan torpaqların yuyulması üçün daha çox vəsait tələb olunur. Suvarma təssərrufatının yaxşı vəziyyətdə olmaması il ərzində təxminən 30 faiz su itkisinə də səbəb olur. Qeyd edək ki, hazırda əkin sahələri dedikdə əsasən əhaliyə verilən pay torpaqları nəzərdə tutulur. Hökumətdə aparılan hesablamalara görə, suvarma sisitemini bərpa etmək müəyyən miqdarda pay torpağı olan kəndlinin imkanı daxilində deyil. Beləliklə, yeni işlənən proqrama əsasən, 2015-ci ilə qədər Azərbaycanda bütün əkin sahələrinin suvarma siistemi ilə təmin edilməsi üçün 2 milyard manat vəsait tələb olunur. Xatırladaq ki, Azərbaycan prezidentinin rəhbərliyi ilə nazirlər kabinetinni 2007-ci ilin sosial iqtisadi inkişafının yekunları və 2008-ci ildə qarşıda duran vəzifələrə həsr olunmuş konfransda dövlət başçısı ölkənin melorasiya təssərrufatındakı problemlərə toxunaraq, əlvə vəsaitlərin cəlb olunmasını vacibliyini vurğulayıb. /İctimai TV/