"Sözün sehri" – Azərbaycan poeziyasının seçmə nümunələrinə çəkilmiş kliplər təqdim edilir. Tamaşaçılar eşitdikləri, oxuduqları, sevdikləri şerləri vizual olaraq yeni formada görüb-eşidirlər. Bu vaxtadək İ.Həsənoğlu, M.Füzuli, H.Cavid, S.Vurğun, A.İldırım, B.Vahabzadə, M.Araz, N.Kəsəmənlinin şerlərindən seçmələr tamaşaçılara təqdim edilib.

"X+X "şou – İki sənətkarın gözlənilməz görüşüdür. Sənətkarlar incəsənətin istənilən sahəsindən dəvət edilə bilər. Verilişi onları ayrı-ayrılıqda maraqlı müsahibəsi, görüşü üzərində qurulmuş TV krossvord adlandırmaq olar. Bu vaxtadək Rasim Balayev və Səkinə İsmayılova, Azər Zeynalov və Zemfira Nərimanovanın qarşılaşması geniş tamaşaçı marağı qazanıb.
Rejissor: Əminə Rzayeva
Aparıcı: Elxan Rzayev
Ssenari müəllifi: Zəhra Abdullayeva
Proqramın rəhbəri: Rafiq Səməndər

"Tamaşa salonu" – Uzun zaman tamaşaçıların diqqətindən kənar qalmış, lakin hələ də sevilən tamaşaların yenidən təqdimatıdır. Tamaşa təqdim edilməzdən əvvəl yaradıcı heyətlə müsahibələr keçirilir. Onlar tamaşanın tarixi, yaranma səbəbləri və yaradıcı qrupla əlaqəli məlumatlar verirlər.
Proqramın rəhbəri: Rafiq Səməndər
Rejissor: Pərviz Həsənov
Aparıcı: Aynur Mustafayeva

"Ədəbi ensiklopediya" – Azərbaycanın söz sənəti dahiləri, ədəbi abidələri haqqında ensiklopedik tele-bilgidir. “Avesta”, “Dədə Qorqud” dastanları, N.Gəncəvi, Q.Bürhanəddin, X.Şirvaninin həyat və yaradıcılığından nümunələr vizuallaşdırılıb.
Rejissor: Cavid Əhmədov
Redaktoru: Hafiz Nəzərli
Aparıcı: Sevinc Rəcəbova

"Bazara qədər" – Hər bazar saat 9.00-dan 10.00-dək efir müddəti olan səhər verilişidir. Verilişdə müəllif tərəfindən qurululmuş “xəyali ailə” aparıcılıq edir. Müxtəlif mövzulu süjetlər, musiqi nömrələri təqdim edilir. Verilişin hər dəfə sənətçi qonağı olur. Qonaq incəsənətin müxtəlif sahələrini təmsil edə bilər.
Rejissor: Asif Rüstəmov; Əbdül Əliyev; Aygün Azəri; Namiq Qurbanov
Redaktorlar: Nofəl Quliyev; Vüqar Əlisoy; Hafiz Nəzərli
Aparıcılar: ailə üzvləri ata: ata: Əfqan Soltanoğlu; ana: Məlahət Məmmədova; oğul: Nemət Cəfərov; qız: Leyla Ağayeva
Layihənin müəllif və rəhbəri: Rafiq Səməndər

"Antrakt"
Verilişin davam etdiyi 30 dəqiqə ərzində tamaşaçılar mədəniyyət və incəsənət aləmində baş verən yeniliklərdən xəbər tuturlar. Verilişdə “Debüt”, “Xəbərin olsun”, “Nyuans”, “Gələn var” rubrikaları tamaşaçılara incəsənət və mədəniyyətlə bağlı müxtəlif məqamlardan söhbət açır.
“Debüt” - adlı rurika tamaşaçıları incəsənətin müxtəlif sahələrində fəaliyyət göstərən tanınmış şəxsiyyətlərlə görüşdürür.
“Xəbərin olsun” – rubrikasında isə mədəniyyət və incəsənət aləmində bir ay müddətində baş vermiş yeniliklərlə tanış ola bilərsiniz.
“Nyuans”- hər dəfə mədniyyət və incəsənətin ayrı-ayrı problemlərini əks etdirir.
“Gələn var” – rubrikasında ay ərzində şəhərimizə baş çəkmiş qonaqlar, müxtəlif ölkələrin incəsənət adamları barədə məlumat verir.
Antrakt öz tamaşaçılarını həm də xarici ölkələrin mədəniyyət və incəsənəti ilə bağlı yeniliklərdən xəbərdar edir.
İdeya və müəllifi: Aygün Azəri
Redaktor: Natiq Babayev

"21+1"
Verilişin qonaqları mədəniyyət və incəsənət aləmində fəaliyyət göstərən tanınmış şəxsiyyətlərdir. Onlar aparıcının onlara verdiyi 21 sualı lakonik və orijinal tərzdə cavablandırırlar. Bundan sonra onlar özləri də növbəti verilişin qonağına sual vermək imkanı əldə edirlər. Növbəti verilişin qonağı bu sualı cavablandırdıqdan sonra ona yönəldilən 21 suala cavab verir.
Xronometraj: 30 dəq.
İdeya və müəllif: Ümidə Həsənova
Rejissor: Aygün Azəri
Proqramın rəhbəri / redaktor: Rafiq Səməndər