«AÇIQ DƏRS»
«Açıq dərs» milli təhsilin problemləri, dünyaya çıxış imkanları, elm və təhsilin qarşılıqlı vəhdəti, Azərbaycan məktəbinin bu günkü durumu haqqında açıq mütəxəssis söhbətlərindən ibarət tok-şoudur. Tok-şouda mövzuların əsas ağırlığı cəmiyyəti düşündürən təhsil problemləri ilə bağlıdır. “Açıq dərs” - açıq danışmağı sevənlərin tribunasıdır. Açıq danışın - bizə və mövzuya yaxın olun.
Müəllif: Cəsarət Valehov.
Rejissor: Vahid Quliyev
Redaktor: Mənsur Priyev
E-mail: aciqders@itv.az

“İMTAHAN”
“İmtahan” telelayihəsində böyüklər məktəblilərin sualları əsasında rəmzi olaraq imtahana çəkilirlər. Bu verilişin məqsədi dövlət məmurları, siyasətçilər, millət vəkilləri, səfirlər, xalq artistləri, ümumiyyətlə məşhur şəxsləri məktəblilərə yaxınlaşdırmaq, onlara uşaqları unutmamağı xatırlatmaqdır. Qonaq sonda ən maraqlı sual sahibini seçir və sualın müəllifinə oxuduğu məktəbində, sinfindəcə hədiyyə təqdim edir. “İmtahan”da qonaqlara qiymət yazılmır. Çünki bu verilişdə artıq qiymətini alan məşhurlar imtahana çəkilirlər.
Veriliş ayda iki dəfə, cümə günləri, saat 21:30-da efirdə olur.
Müəllif: Rəşad Cəfərov.
Aparıcı: Orxan Hüseynli
Rejissor: Vahid Quliyev
E-mail: imtahan@itv.az

«HÜQUQ MÜSTƏVISI»
Verilişdə insanların hüquqi biliklərini artırmaq üçün müxtəlif mövzulara toxunulur. Studiyaya dəvət olunmuş maraqlı qonaqlar hər hansı hüquqi məsələnin insanlar tərəfindən dərk olunmasına kömək edir. Canlı yayımla hər bir vətəndaş onu maraqlandıran hüquqi məsələ ilə bağlı məsləhət ala bilər. Öz hüquqlarınızı bilmək və suallarınıza cavab tapmaq istəyirsinizsə hər cümə saat 19.00 –də efirə gedəcək “Hüquq müstəvisi” verilişinə baxmağı unutmayın.
Redaktor: Mənsur Piriyev
Rejissor: Rəşad Fikrətoğlu

«SAĞLAM OL»
Sağlam bədəndə sağlam ruh olar. Sağlam ömür yaşamaq bizim hər birimizin arzusudur. Bunun üçün isə hər zaman həkim məsləhətini dinləməyə ehtiyac var. Sizi narahat edən xəstəliklərdən qurtulmaq istəyirsiniz? "Sağlam ol" verilişinin qonaqları Azərbaycanın ən yaxşı həkimləridir və onlar hər həftənin cümə günü 18:15-də canlı efirdə Sizin xidmətinizdədir.
Aparıcı: Vüqar Məmmədov
Rejissor: Ruslan Hüseynov
E-mail: saglamol@itv.az

«BIOALƏM»
Həyatın darıxdırıcı axarından qaçıb, yaşadığınız aləmi öyrənərək dincəlmək istəyirsininizsə “BİOALƏM” verilişinə baxın!
Azərbaycanın eləcə də dünyanın müxtəlif yerlərinin təbiəti- onun bitki və heyvanat aləminin bir-birindən maraqlı rəngarəng görüntüləri,
möcüzələ və sirləri,
hər birimizə zəruri olan təbiət bilgiləri,
yaşadığımız mühitin ekoloji durumu və problemləri,
mütəxəssislərin və ekspertlərin araşdırmaları, fikirləri və məsləhətləri, müxtəlif rubrikalar və sujetlər “Bioaləm” verilişində.
Hər həftənin bazar günü saat 17:15 də izləyə bilərsiniz.
Beləliklə təbiətlə bağlı suallarınıza cavab tapmaq istəyirsinizsə, “Bioaləm” verilişinə baxın!
Redaktor: Kamil İsmayılov
Email: bioalem@itv.az

«TELEPORTRET»
Teleraptret ayda bir dəfə efirə gedir. Azərbaycanın görkəmli elm və ictimai xadimləri, ziyalıların həyat və yaradıcılığı əks olunur. Onların Azərbaycan elmi üçün göstərdiyi çoxşaxəli fəaliyyətləri öz əksini tapır. Verlişdə qəhramanın yaxınları onun haqqında təssüratlarını bölüşürlər.
Redaktorlar: Mahir Calalov, Aytəkin Nəsirova
Rejissor: Rəşad Fikrətoğlu

«RƏQƏMSAL DÜNYA»
Minilliyin ideologiyası - İnformasiya Cəmiyyəti haqda eşidib görəcəkləriniz!!!
“İkinci Dünyanın” ən son yenilikləri və ağlasığmaz hadisələri - real dünyanın virtual, virtual dünyanın real problemləri!!!
Elektron dövlət, elektron vətəndaş, internet millət və informasiya müharibəsi – bunlar dünyaya nə qazandıracaq?!
21-ci yüzilin həyat tərzi – necə yaşayıb, necə düşünəcəyik. Fərdi biliklərin informasiya texnologiyaları və İnternet vasitəsilə ictimailəşməsi, qloballaşması nə vəd edir?
Bütün bunlar haqqında bilmək istədikləriniz, hər həftənin çərşənbə axşamı saat 23:15-də “Rəqəmsal Dünya”da...
Redaktor: Füzuli Məcidli
Montaj rejissoru: Dmitriy Ponomaryov
E-mail: reqemsal@itv.az

«DİN VƏ CƏMİYYƏT»
Könüllərə insaf, qəlblərə rəğbət, düşüncəyə işıq bəxş edən müqəddəs bir dinimiz var - İslam! Uca Tanrının yaratdığı insanlara ən qiymətli hədiyyəsidir - İslam və onun müqəddəs kitabı ”Qurani-Kərim”. Həzrət Əli (ə) buyurub ki, gözəl söz söyləmək sədəqədir. Əgər gözəl sözün sehrinə düşmək istəyirsinizsə, hər cümə saat 22:00 da efirə gedəcək ”Cümə söhbəti” verilişini izləməyi unutmayın.
Aparıcı: Natiq Rəhimov
Rejissor: Rəşad Fikrətoğlu.
E-mail: cumesohbeti@itv.az

«UŞAQLARIN ŞƏHƏRİ»
5 nəfər iştirakçı qaçış yolağası üzərində qaçaraq, məntiqi və kreativ sınaq yarışmalardan keçirlər. Bir ay boyunca hər həftə bir iştirakçı auditoriya qismində, şəhərdə əyləşən uşaqların səsverməsi yolu ilə oyunu tərk edir. Həmçinin verilişin hər bir buraxılışında rəqs ansamblları, müğənni uşaqlar iştirak edib, verilişin kompazisiyasını təşkil edirlər. Uşaqlar verilişə canlı telefon bağlantısı ilə də qoşulub, sevdikləri oyunçunu dəstəkləyə bilərlər.
Vaxt: Hər bazar, saat: 12:15
Müəllif: Kamran İsrafilov
Redaktor: Elmar Əbilov

“BİZ SİZİ EŞİDİRİK”
Tok-şou formasında hazırlanan bu verilişdə uşaqlar hər həftə sağlamlıqla bağlı bir mövzu ətrafında müzakirələr aparırlar. Verilişdə aparıcı ilə yanaşı, “Müdrik ağac” və “Vəfa müəllimə” kimi obrazlar aktyorların ifasıyla uşaqlara mövzuyla bağlı müəyyən məlumatları çatdırırlar. Həmçinin uşaqlar “Quşcığazın əhvalatları” filmindən mövzuyla bağlı materiallara baxıb, fikirlərini bölüşürlər. Bu verilişədə uşaqlar canlı telefon bağlantısı ilə qoşula bilərlər.
Vaxt: Hər şənbə, saat: 12:15
Müəllif: Kamran İsrafiliov
Redaktor: Elmar Əbilov

“OVÇU”
Bilvasitə təbiətlə ünsiyyət əsasında hazırlanan bu proqramda cəmiyyətimizin nüfuzlu ziyalıları ilə ov baş tutur. Bu ov zamanı verilişin baş qəhramanı xatirələrini bölüşür, ov edərkən baına gələn məzəli əhvalatlardan söhbət açır. Həmçinin verilişin qonağının ov çu dostları da tonqal ətrafında onun başına toplanıb, ovçuluqla bağlı şirin söhbətlər edirlər.
Vaxt: Ayda bir dəfə, bazar günü, saat: 17:15
Redaktor: Elmar Əbilov
Rejissor: Ruslan Hüseynov