“Gecənin aydınlığı”
“Gecənin aydınlığı”nın məzmunu maarifçilik, mövzuları mənəvi dəyərlərlə bağlıdır. Məsələn, milli adət-ənənələrimiz, mərasim mədəniyyəti, sədaqət nədir, vicdan deyəndə nə başa düşülür, hörmət kimə edilməlidir, yalan danışmağın fəsadları, həyatın dərki, özünü tanıyırsanmı, dünyanı necə tanıyırsan, Avropa sənin üçün nədir?, kimi suallara ziyalıların iştirakı ilə cavab axtarılır. Məsələn Avropa sənin üçün nədir mövzusunun müzakirəsində Avropa təhsilli gənclərin diskussiyası, yaşlı nəsilin düşüncələri tamaşaçılara təqdim olunur .
Verilişə müxtəlif sahələrdən mütəxəssislər o cümlədən pisxoloqlar, filosoflar dəvət olunur. Dəvət olunanlar müxtəlif yaş dövrlərini əhatə edir.
Əxlaqın, mənəviyyatın qorunması ilə bağlı mövzuların müzakirəsi auditorya tərəfindən böyük maraqla qarşılanıb. Çünki verliş ziyalıların əsl müzakirə meydana çevrilir. Ekspertlər layihəni efir məkanında yeni və orjinal hesab edirlər.
“Gecənin aydınlığı”nı hər həftənin şənbə günü saat 00:10-da izliyə bilərsiniz.

Verlişin müəllifi Füzuli İsmayılov,
Rejissorları Elnur Məmmədov və Vaqif Fərəcov, prodüseri Minarə Əsgərovadır.

“Aktual” Tok-şou

Hər həftənin çərşənbə axşamları yayımlanan “Aktual” Tok-şouda gənclərlə bağlı aktual problemləri gündəmə gətirməyə çalışırıq. Biz yaradıcı heyətimizlə birgə bu verilişi hazırlayarkən daha çox gənc tamaşaçı auditoriyasını nəzərdə tutmuşduq. Amma gələn məktub və tamaşaçı zənglərinin sayəsində öyrəndik ki, “Aktual” hər nəslin nümayəndəsi tərəfindən izlənir və rəğbətlə qarşılanır. Çünki hər ailədə gənc nəslin bir nümayəndəsi var və gənclərin problemləri də böyükləri narahat etdiyi üçün hər nəslin nümayəndəsi tərəfindən izləndiyimizin fərqinə vardıq.

“Gənclik Həyatı”
Verlişdə bügünki gənclərimizin uğurlarından, problemlərindən, onları narahat edən məsələlərdən, mövzulardan söz açmağa çalışırıq. Bu günə qədər Gənclik həyatının 50-dən artıq buraxılışı olub. Bu verlişlərdə gənclərin elmdə, sənətdə qarşılaşdıqları problemlərdən söz açılmış, amma bütün çətinliklərə baxmayaraq uğur qazanmış istedadlı gənclərdən bəhs edilmişdir. Yaradıcı gənclər nə istəyir? ” seminarından hazırlanmış videomaterial gənclər arasında rezonas doğurdu. Elmdə uğur qazanmış alimləri, “Xəzər” Nə? Harda? Necə? İntelektual klubunda fəaliyyət göstərən zəkalı gəncləri təbliğ etməklə yanaşı mövcud olan neqativ halların səbəblərini də araşdırmağa can atır.Çingiz Abdullayevin, Əkrəm Əylislinin, Söhrab Tahirin, Vidadi Babanlının tələbələrlə görüşləri də məhz “Gənclik həyatın”da yaşanır.

Verlişin müəllifi Çimnaz Ağakişiyeva,
Rejissoru Ramin Nazıyev,
Prodüseri Minarə Əsgərovadır.

“Sport Time”
Həftəlik idman proqrammı olan “Sport time “ tamaşaçılara ölkədə və ondan kanarda baş verən ən maraqlı idman hadisələrini çatdırır.”Spor time”- ın tamaşacıları yalnız müxtəlıf yarışların içmalıyla tanış olmur.Proqrammda eyni zamanda ölkə idmanının problemləri işiqlandırılır və nöqsanların aradan qaldırılması üçün yollar axtarılır. 45-dəqiqə efir vaxtı olan “Sport time” da 12-15 süjet efirə gedir və yaradıcı heyət daha çox rəngarəngliyə üstünlük verir. Bölgələrdə keçirilən yarışlar və paytaxtdan kanarda çoxlarının yaddan çıxardığı, amma idmansevərləri narahat edən məqamlar “Sport time”in diqqətindən yayılmır.
Azərbaycan idmanında ən böyük problem olan uşaq futbolunun vəziyyətindən tez-tez söz açılır və bu sahədə də bölgələrdəki vəziyyətə toxunulur.Təsadufi deyil ki, futbolun inkişafına dair dövlər proqramının icrası ilə bağlı ilk geniş müzakirə məhz bizim verlişdə aparılıb. Bundan başqa Azərbaycan futbolunun daha bir bəlası stadion problemi də tez-tez işiqlandırılır.
“Sport time” yalnız ölkə idmanına diqqəti ilə digər verlişləri qabaqlamır. Nəinki Azərbaycanda ümumiyətlə, Türksat peykində “böyük beşlik” ölkələrinin ilk geniş icmalı məhz “Sport time” də efirə çıxır.

Verlişin aparıcısı Tural Dadaşov,
Müxbirlər Elman Məmişov və Elçin Hacıyev, prodüseri Minarə Əsgərovadır.

“Salam Əsgər”
Silahlı Qüvvələrimizin müxtəlif qoşun növlərindən reportajlar hazırlamaqla kifayətlənməyən “Salam Əsgər”in yaradıcı qrupu döyüş bölgələrinə mütamadi səfərlər edib, düşmənlə üzbəüz səngərlərdə dayanan Azərbaycan əsgərinin döyüş və mənəvi psixoloji hazırlığını tamaşaçılara çatdırır.
Verlişin yaradıcı heyəti tariximizin, qəhramanlarmızın təbliğatı ilə yanaşı hərbiçilərmiz üçün marifləndirici mövzulara xüsusi diqqət yetirir. Dünya ordularının silahlanmasında istifadə edilən silahlar haqqında “Silah və texnika” rubrikasında ətraflı məlumat verilir.

Verlişin aparıcısı Pərviz Aslanov,
Rejissoru Aqşın Nəzərov,
Müxbir Zaur Mahmudovdur.
“Salam Əsgər” hər həftanin bazar günü saat 10:10-da tamaşaçılara təqdim edilir.
Proramların redaktoru Füzuli İsmayılovdur.