İctimai Televiziya və Radio Yayımları Şirkətinin Müəllif proqramları şöbəsi maraqlı verilişlərlə ilə tamaşaçıların görüşünə gəlir. Bu verilişlərdən biri Azərbaycanın tarixindən, mədəniyyətindən bəhs edən “Azərbaycan palitrası” vaxtilə əmək qəhrəmanı olmuş, zəngin həyat yolu keçmiş insanlardan bəhs edən bir sıra qaranlıq mətləblərə aydınlıq gətirən , onları müasir dövrə, həyat tərzinə münasibətini əks etdirən “Ötən günlərimi qaytara bilsəm...”, milli qəhrəmanlarımızı tanıtmaq məqsədilə hazırlanan “Yurdu yaşatmaq üçün” verilişlərinin çəkilişləri başa çatıb. Qeyd edək ki, verilişin əsas məqsədi Qarabağ müharibəsində həlak olan milli qəhrəmanlarımızı tamaşaçılara tanıtmaqdır.
“Bizim Bakı” verilişində isə doğma şəhərimizin memarlıq abidələri, eləcə də onların tikilmə tarixindən bəhs olunur.
“Haqqım var ki, öyünüm...” adlı Azərbaycan xalqına xidmət etmiş insanların ictimai-siyasi fəaliyyətindən söhbət açacaq verilişlərin çəkilişləri davam edir.

Rejissorlar: Nuranə Axundova, Könül Əskərova, Fikrət Məmmədov.

«DƏBDƏN DƏBƏ» - qadınların həyat tərzindən bəhs edir. Bu verilişdə onları maraqlandıran müxtəlif sujetlər, dəbdə olan geyimlər nümayiş olunur. Hər şənbə "Dəbdən dəbə"də qadınlara gözəlliklərini qorumaq üçün müxtəlif məsləhətlər verilir. Canlı musiqi ifa edən müğənnilərlə yanaşı cəmiyyətin müxtəlif sahələrində öz mövqeyini tutmuş xanımlar proqramın qonağı olur.

Aparıcı və müəllif: Sevinc Muradova
Rejissor: Könül Muradəliyeva
Redaktor: Vüsalə İlyasova
Rejissor assistenti: Ceyhun Kərimov
Prodüser: Dilbər Ağayeva
Redaktor: Rövnəq Həsənzadə.