«ƏSLİNDƏ MƏN» - Azərbaycanın musiqi xadimlərinin həyat yolu və yaradıcılığından bəhs edən veriliş film-portret səciyyəsi daşıyır. Musiqi ilə yoğrulan, xatirələrdən güc alan, kədərdən yanan ürəkləri özünüz üçün bir daha açmaq istəyirsinizsə hər cümə axşamı "Əslində mən" deyənləri dinləyin.

Müəlliflər: Leyla Əliyeva; Könül Arifqızı,Vüsalə Ilyasova
Rejissorlar: Salam Məmmədəliyev, Fuad Əliyev
Prodüser: Dilbər Ağayeva.
Redaktor: Orman Çingizoğlu

«BİR MAHNININ TARİXÇƏSİ» - XX əsr Azərbaycan mahnı janrında yaranmış musiqi nümunələrinin tarixçəsinə həsr olunur. Onlarin müəllifləri, eləcə də xronoloji olaraq mahnının ifaçıları haqqında informasiya verilir.

Aparıcı və müəllif: Könül Arifqızı
Rejissor: Salam Məmmədəliyev
Prodüser: Dilbər Ağayeva
Redaktor: Orman Çingizoğlu

«MUZEKSPRESS» - Ölkənin mədəni həyatında baş verən hadisələri işıqlandıran, klassik Azərbaycan və Avropa musiqisinin nailiyyətləri barədə özünəməxsus tərzdə məlumat verən “Muzekspress” hər bazar günü efirdədir.

Rejissor: Fuad Əliyev
Müəlliflər: Vəfa Babayeva, Nərmin Qaralova
Aparıcı: Nərmin Qaralova
Rejissor assistenti: Ceyhun Kərimov
Prodüser: Vüqar Əliyev
Redaktor: Orman Çingizoğlu

«QARAJ» verilişi həftənin I, III və V günləri canlı olaraq efirə çixir. Veriliş sırf gənclərə həsr olunur və əyləncəli-musiqili xarakter daşıyır. Bir çox gənclərin ən çox yığıldığı, məşq etdikləri yer qaraj olduğundan veriliş də məhz belə adlanır. I gün olan buraxılışda xarici və yerli mahnılardan ibarət “Xit - 13” təqdim edilir. Hər həftə bu xitlərin sırası tamaşaçıların səs vermə yolu ilə müəyyən edilir və dəyişdirilir. III-gün buraxılışında gənclərlə bağlı müəyyən mövzu qoyulur. Bu mövzu ilə bağlı süjet hazırlanır, şəhərimizdə və ondan kənarda gənclər arasında sorğu aparılır. Canlı telefon bağlantısı ilə tamaşaçıların fikri qəbul edilir. Həmin gün tamaşaçılara dünya və yerli şou aləmindən də yeniliklər təqdim olunur. Bütün bunlar isə zövqlü xarici və yerli kliplərlə ardıcıllaşır. Həftənin V günü isə studiyaya gənc bir ifaçı və ya qrup dəvət edilir. Buraxılış tamlıqla qonağa həsr olunur. Onun klipləri, sənət yenilikləri, gələcək planları haqda maraqlı məlumatlar verilir.
Verilişin məqsədi - gənclərin musiqi zövqünün düzgün formalaşması, onları maraqlandıran mövzuların, gənc istedadlı ifaçıların işıqlandırılmasıdır. Dünya və yerli şou-aləmində baş verən ən son yeniliklərin çatdırılması, bir sözlə gənclərin sağlam tərzdə əyləncə və istirahətini təmin etməkdir.

Rejissor: Ceyhun Kərimov
Aparıcılar: Hüsniyə Məhərrəmova
Redaktor: Nərmin Qaralova
Rejissor assisenti: Vüqar Əliyev
Prodüser: Dilbər Ağayeva
Musiqi redaktoru: Orman Çingizoğlu

«KLİPLƏR». Həftə içi hər gün İctimai Televiziyanın efirində həm Azərbaycan, həm
türk, həm də əcnəbi estradanın populyar nümayəndələrinin ifasında ən
keyfiyyətli mahnılar təqdim olunur. Bütün janrları əhatə edən kliplər gün
ərzində bir neçə dəfə yayımlanır.

«İSTANBULDAN SALAMLAR». Veriliş ayda iki dəfə yayımlanır. Türk musiqisinin ən parlaq simalarına həsr olunmuş buraxılışlarda onların ən səmimi müsahibələrini eşitmək, adi həyat tərzlərini görmək istəyirsinizsə İstanbuldan gələn salamları cavabsız qoymayın.

Müəllif və aparıcı: İntizar İsmayıl
Prodüser: Vüqar Əliyev
Redaktor: Orman Çingizoğlu