Səbəbləri
Karbon monoksid təbii qazın və ya da neft məhsullarının yanması zamanı xaric olunan qazın natamam oksidləşməsidir. Tənəffüs zamanı bu qaz udulanda qan bədən üzvlərinə və hüceyrələrə oksigen  daşımaq qabiliyyətini itirməyə başlayır.
Evlərdə dəm qazının(karbon monoksidin) yaranma  səbəbləri mərkəzi istilik sistemlərləri, gaz cihazları və sobalardakı nasazlıqlarla bağlıdır. Havatəmizləyici  bacalar və borularda qazın çıxmasına əngəl törədən nasazlıqlar yarandıqda, insanlar bu qazla nəfəs almaq məcburiyyətində qalırlar .
Hər il Böyük Britaniyada təqribən 50 adam dəm qazından( karbon monoksidindən) zəhərlənərək boğulur.
Avtomobillərdə də dəm qazının(karbon monoksidin) əsas mənbəyi xarıc olan qazdır. Avtomobilin bağlı qarajda 10 dəqiqə işləməsi şəraitində nəfas alan adamın qanında karbon monoksidinin miqdarı ölümcül həddə çata bilər. 

Zəhərlənmənin simptomları
Dəm qazı ilə (karbon monoksidlə) yüngül zəhərlənmənin simptomları spesifik olmaya bilər. Onlar viruslu soyuqdəymə, zökəm və ya qida zəhərlənməsindəki simptomlarla oxşardır.Yəni, zəhərlənmə baş ağrısı, ürək bulanma, qarın ağrısı, baş gicəllənməsi,  boğaz ağrısı  və quru öskürəklə muşahidə olunur.
Lakin zökəm virusundan fərqli olaraq, karbon monoksid qızdırma əmələ gətirmir.
Bu simptomlar uşaqlarda qarın narahatlığı, ürək bulanması və qusmayla müşahidə olunur.
Çox ağır zəhərlənmədə ürəyin sürətlə döyüntüsü, hiperventilasiya, şüurun qarışması, mürgü və ağır nəfəs alma halları ortaya çıxır. Özündən getmə və huşunu itirmə də istisna olunmur .
Dəm qazının(karbon monoksidin) təsirindən bəzi simptomlar bir neşə gün, hətta, aylar sonra üzə çıxa  bilər. Bu simptomlara şüurun qarışması, yaddaşın pozulması, və müvazinətin  itməsi ilə bağlı problmelər daxildir.

Zəhərlənmələrdən necə qorunmaq olar?
Belə  zəhərləmələrin qarşısını almaq mümkündür. Bu məqsədlə zəhərlənmələri doğura biləcək mümkün səbəblər barədə məlumatlı  olmaq, həmçinin, təsir riskini necə azaltmağın yollarını bilmək vacibdir.

Bu məqsədlə;

1. Borular və bacalar mütəmadi yoxlanılmalıdır.
2. Qaz cihazları və istilik sistemlərinin sazlığına daim və ciddi nəzarət edilməlidir.
3. Qaz sızmasına qarşı etibarlı siqnalizasiya sistemi quraşdırılmalıdır.
4. Avtomobilləri, motosikletləri və otbiçən aqreqatları bağlı qarajda işə salmamalı!

Eyni zamanda xəbərdarlıq siqnallarına diqqətlə əməl etməklə mümkün  nəticələrdən qaçmaq olar.
Karbon monoksidləşməsi aşağıdakı hallarda da olur 

1. Evdə və işdə eyni simptomlardan şikayət edilirsə;
2. Yaşadığınız və ya işlədiyiniz yerdən başqa bir yerə gedəndə simptomlar yoxa çıxırsa; 
3. Simptomlar mövsümüdürsə;  (məs,  əgər qışda istilik sistemi daha çox istifadə edildikdə başağrıları başlayırsa )

Müalicəsi( İlkin tibbi yardım)
Zəhərlənən xəstə  əvvəlcə açıq havaya çıxarılmalı  və xəstəxanya gətirilməzdən əvvəl ona oksigen verilməlidir.
Yüngül zəhərlənənlər tam sağalırlar. Amma 10-50 faiz arasında ciddi zəhərlənənlər bundan uzun müddət əziyyət çəkməli olurlar.