İTV | İctimai Televiziya və Radio Yayımları Şirkəti

İCTİMAİ TELEVİZİYA VƏ RADİO YAYIMLARI ŞİRKƏTİ
GƏNCLƏR, ELM VƏ TƏHSİL DEPARTAMENTİNİN
VERİLİŞLƏRİ

«AÇIQ DƏRS»
«Açıq dərs» milli təhsilin problemləri, dünyaya çıxış imkanları, elm və təhsilin qarşılıqlı vəhdəti, Azərbaycan məktəbinin bu günkü durumu haqqında açıq mütəxəssis söhbətlərindən ibarət tok-şoudur. Tok-şouda mövzuların əsas ağırlığı cəmiyyəti düşündürən təhsil problemləri ilə bağlıdır. “Açıq dərs” - açıq danışmağı sevənlərin tribunasıdır. Açıq danışın - bizə və mövzuya yaxın olun!

Müəllif: Cəsarət Valehov
Rejissor: Rəşad Fikrətoğlu
Redaktor: Elmar Əbilov
E-mail: aciqders@itv.az

«İMTAHAN»
“İmtahan” telelayihəsində böyüklər məktəblilərin sualları əsasında rəmzi olaraq imtahana çəkilirlər. Bu verilişin məqsədi dövlət məmurları, siyasətçilər, millət vəkilləri, səfirlər, xalq artistləri, ümumiyyətlə məşhur şəxsləri məktəblilərə yaxınlaşdırmaq, onlara uşaqları unutmamağı xatırlatmaqdır. Qonaq sonda ən maraqlı sual sahibini seçir və sualın müəllifinə oxuduğu məktəbində, sinfindəcə hədiyyə təqdim edir. “İmtahan”da qonaqlara qiymət yazılmır. Çünki bu verilişdə artıq qiymətini alan məşhurlar imtahana çəkilirlər.
Veriliş ayda iki dəfə, cümə günləri, saat 22:20-də efirdə olur.

Müəllif: Rəşad Cəfərov
Aparıcı: Orxan Hüseynli
Rejissor: Vahid Quliyev
E-mail: imtahan@itv.az

«ŞƏRQƏ DOĞRU»

Günəş Şərqdən doğur. Şərq – ruhun mənbəyi, Peyğəmbərin vətəni, mədəniyyətlərin beşiyidir. Şərq-sirlər xəzinəsi, arzular dünyası, xəyallar məskənidir. Əlifba və kağız burada yaranmış, elm və bilik buradan qaynaqlanmış, şer və sənət bulağı buradan çağlanmışdır. Biz günəşi qarşılamaq üçün Şərqə doğru gedirik. Siz də bu nurdan pay almaq istiyirsinizsə, İctimai Televiziyada ” Şərqə doğru “ proqramını izləməyi unutmayın.

Müəllif: Natiq Rəhimov
Rejissor: Rəşad Fikrətoğlu

«VIRTUAL RINQ»
“Virtual rinq” intellektual televiktorinasında yaşından, sosial mövqeyindən aslı olmayaraq biliyinə güvənən hər bir kəs iştirak edə bilər.Televiktorinada 3 üzvdən ibarət 5 komanda iştirak edir. Komandalar orta və ali təhsil müəssisələrinin şagird və tələblərindən, AMEA-nın elmi-tədqiqat institutlarının, dövlət, biznes və qeyri-hökumət təşkilatlarının əməkdaşlarından təşkil oluna bilər.
Yarışma 5 turdan ibarətdir. Hər turda iştirakcılara 3 sual verilir. Düzgün cavabın sayına görə nəticələr müəyyən olunur.3 turdan sonra finala cixan 2 komanda müəyyən olunur. Əgər eyni xal toplamış komandaların sayı 2 dən çox olarsa, düzgün cavabı tapmaq ücün kim az vaxt sərf edibsə o da qalib sayılır.
Deməli bilik və məntiqlə yanaşı burda həm də ceviklik tələb olunur.
Televiktorinada iştirak etmək üçün www.virtual-rinq.az saytında qeydiyyatdan keçmək lazımdır.

Aparıcı: Rühəngiz Mehmanqızı
Rejissor: Vahid Quluyev
E-mail: virtualrinq@itv.az

«SAĞLAM OL»
Sağlam bədəndə sağlam ruh olar. Sağlam ömür yaşamaq bizim hər birimizin arzusudur. Bunun üçün isə hər zaman həkim məsləhətini dinləməyə ehtiyac var. Sizi narahat edən xəstəliklərdən qurtulmaq istəyirsiniz? "Sağlam ol" verilişinin qonaqları Azərbaycanın ən yaxşı həkimləridir və onlar hər həftənin cümə günü 18:15-də canlı efirdə Sizin xidmətinizdədir.

Aparıcı: Vüqar Məmmədov
Rejissor: Vaqif Fərəcov
Redaktor: Aynur Əliyeva
E-mail: saglamol@itv.az

«BİOALƏM»
Həyatın darıxdırıcı axarından qaçıb, yaşadığınız aləmi öyrənərək dincəlmək istəyirsininizsə “BİOALƏM” verilişinə baxın!
Azərbaycanın eləcə də dünyanın müxtəlif yerlərinin təbiəti- onun bitki və heyvanat aləminin bir-birindən maraqlı rəngarəng görüntüləri,
möcüzələri və sirləri, hər birimizə zəruri olan təbiət bilgiləri,
yaşadığımız mühitin ekoloji durumu və problemləri,
mütəxəssislərin və ekspertlərin araşdırmaları, fikirləri və məsləhətləri, müxtəlif rubrikalar və sujetlər “Bioaləm” verilişində.
Hər həftənin bazar günü saat 17:15-də izləyə bilərsiniz.
Beləliklə təbiətlə bağlı suallarınıza cavab tapmaq istəyirsinizsə, “Bioaləm” verilişinə baxın!

Redaktor: Kamil İsmayılov
Rejissor: Ruslan Hüseynov
E-mail: bioalem@itv.az

«TELEPORTRET»
“Teleportret” ayda bir dəfə efirə gedir. Azərbaycanın görkəmli elm və ictimai xadimləri, ziyalıların həyat və yaradıcılığı əks olunur. Onların Azərbaycan elmi üçün göstərdiyi çoxşaxəli fəaliyyətləri öz əksini tapır. Verlişdə qəhramanın yaxınları onun haqqında təssüratlarını bölüşürlər.

Redaktorlar: Eldar Sadıqov, Aytəkin Nəsirova
Rejissor: Rəşad Fikrətoğlu

«DİN VƏ CƏMİYYƏT»
Könüllərə insaf, qəlblərə rəğbət, düşüncəyə işıq bəxş edən müqəddəs bir dinimiz var - İslam! Uca Tanrının yaratdığı insanlara ən qiymətli hədiyyəsidir - İslam və onun müqəddəs kitabı ”Qurani-Kərim”. Həzrət Əli (ə) buyurub ki, gözəl söz söyləmək sədəqədir. Əgər gözəl sözün sehrinə düşmək istəyirsinizsə, hər cümə saat 22:00-da efirə gedəcək ”Cümə söhbəti” verilişini izləməyi unutmayın!

Aparıcı: Natiq Rəhimov
Rejissor: Rəşad Fikrətoğlu.

«SALAM ƏSGƏR»
Silahlı Qüvvələrimizin müxtəlif qoşun növlərindən reportajlar hazırlamaqla kifayətlənməyən “Salam Əsgər”in yaradıcı qrupu döyüş bölgələrinə mütamadi səfərlər edib, düşmənlə üzbəüz səngərlərdə dayanan Azərbaycan əsgərinin döyüş və mənəvi psixoloji hazırlığını tamaşaçılara çatdırır.
Verlişin yaradıcı heyəti tariximizin, qəhramanlarmızın təbliğatı ilə yanaşı hərbiçilərmiz üçün maarifləndirici mövzulara xüsusi diqqət yetirir. Dünya ordularının silahlanmasında istifadə edilən silahlar haqqında “Silah və texnika” rubrikasında ətraflı məlumat verilir.

Aparıcı: Zaur Mahmudov
Redaktor: Pərviz Eldaroğlu
Rejissor: Vaqif Fərəczadə

«ADDIM-ADDIM»
Veriliş uşaq və yeniyetmələrin təlim-tərbiyəsinə həsr olunur. Təlim və tərbiyədə problemlərlə qarşılaşan valideynlərə psixoloji məsləhətlər verilir.
Əgər uşağınız çətin tərbiyə olunandırsa, hafizəsi zəifdirsə, oxumaq həvəsi yoxdursa, həmyaşıdları ilə münasibət yarada bilmirsə, utancaq və ya qorxaqdırsa və ən əsası bacı-qardaşı ilə daim mübahisə yaradırsa bizi izləyin!

Müəllif: Ruhəngiz Mehmanqızı