“Qaraj”
Gənclər üçün nəzərə tutulmuş musiqi və əyləncəli proqram. Həftənin 1 və 5-ci günləri efirə çıxan bu proqramda istedadlı gənclərlə yanaşı populyar müğənniləri də görmək mümkündür. Onu da qeyd edək ki, son zamanlar veriliş efirə həqiqi qarajdan çıxır. Əlbəttə ki, bu onu bir qədər də maraqlı edir.

Aparıcılar: Hüsniyə Məhərrəmova, Azər Aslan
Rejissor: Aydın Əsədulla

“Yaradıcılıq gecəsi”
İctimai Televiziyanın populyar verilişlərindən biri olan «Yaradıcılıq gecəsi»də bu zamana qədər İslam Rzayev, Oqtay Rəcəbov, Əlibaba Məmmədov, Bəxtiyar Vahabzadə, Cavanşir Quliyev, Azər Balaşoğlu, Ramiz Mirişli, Arif Babayev kimi bir sıra görkəmli sənətkarlar qonaq olub. Həftənin 5-ci günləri efirdə gedən bu iki saatlıq proqramda Azərbaycan mədəniyyətinin ən gözəl nümunələri layiqi şəkildə təbliğ olunur.

Aparıcı: Leyla Əliyeva
Rejissor: Salam Məmmədəliyev

“Ekspromt”
Həftənin III və V günləri tamaşaçıların 1 saat ərzində canlı musiqidən zövq almaq imkanı var. «Ekspromt» yalnız ən gözəl və səviyyəli ifa nümayiş etdirən ifaçıları öz qonağı edir.

Aparıcılar: Leyla Əliyeva və Leyla Sevil
Rejissor: Ceyhun Kərimov

“Ovqat”
“Ovqat”- musiqili bədii-ədəbi verilişdir. Həftənin bazar günü səhər saat 8-dən 10-dək “Ovqat” ovqatınızın qonağıdır. Bu adın altında Azərbaycanın tanınmış sevilən simaları, söz sənət ustadları, sərrafları cəm olub. “Ovqat”-ın əsas qayəsi ondan ibarətdir ki, burada poeziya ilə musiqi bir-birinin vəhdətində tamamlanır. Milli poetik, milli estetik səviyyəni müəyyən etməklə bərabər xalqımızın ədəbi bədii, tarixi genetik kodlarının bərpasına xidmət edir.

Aparıcı: Səyyarə Səyyaf
Rejissor: Aydın Əsədulla

“Bir mahnının tarixçəsi“
Əgər siz musiqi tarixinin inciləri olan, biri-birindən populyar mahnıların yaranma tarixi, onlarla bağlı bir sıra maraqlı məlumatarla tanış olmaq istəyirsinizsə İctimai Televiziyanın efirində «Bir mahnının tarixçəsi» verilişini mütləq izləyin. Burada sizin Azərbaycan musiqi mədəniyyətinə unikal ekskursiya etmək imkanınız var.

Müəllif: Könül Arifqızı
Rejissor: Salam Məmmədəliyev

“Xalq mahnıları” verilişi İctimai Televiziya və Radio ilə birgə yayımlanır. Verilişdə Azərbaycan xalq mahnılarının əsas xüsusiyyətləri, yaranması, ifaçıları, toplanması, qədim və yaşı bilinməyən, eləcə də müəllifi məlum olan “xalq mahnıları” haqqında söhbət açılır. Tamaşaçı və dinləyicilərə mütəxəssis fikri ilə yanaşı, xanəndə və müğənnilərimizin ifaları da təqdim olunur. Veriliş hər həftənin cümə günü, saat 12:15-də efirə gedir.

Müəllif: Pərvanə Nadirqızı,
Rejissoru: Ceyhun Kərimovdur.
Email: xalqmusiqisi@itv.az

“Almanax”
Həftə ərzində şəhərimizdə baş tutmuş ən maraqlı mədəniyyət hadisələrinin, konsert, tamaşa və sərgi salonlarında baş verən mədəni yeniliklərin dolğun şərhi hər həftənin I günü «Almanax» verilişində!

Müxbirlər: Dürdanə Hacıyeva; Çimnaz Ağakişiyeva; Leyla Sevil
Rejissor: Nəsimi Əliyev

“Muğam albomu”
Hər həftə biz tamaşaçılara milli musiqimizin şahı olan muğamları həm gənc, həm də tanınmış sənətkarların ifasında dinləmək imkanı yaradırıq. Musiqişünaslar tərəfindən təqdim olunan şərhlər isə maariflənmə xarakteri daşıyır.

Rejissor: Aydın Əsədullayev
Musiqi redaktoru: Vüsalə İlyasova