16 mart 2010
“Yeni gün” - 07. 00 – 10.00
Aparıcı: Fəxriyyə İsayeva.
Üç saatlıq proqram boyu ötən günün ən mühüm xəbərləri, iqtisadiyyat,
mədəniyyət və idman aləmində baş verən yeniliklər, maraqlı məlumatlar,
hava proqnozu və günün mənzərəsi təqdim ediləcək. Eyni zamanda “Səhər
əyləncəsi: bir mahnı, bir xəbər?” mövzusu dinləyicilərin müzakirəsinə
çıxarılacaq. Bütün bu xəbərlər və müzakirələr çox sevilən ifalarla,
ən yeni mahnılarla müşayiət olunacaq.
“Nahara qədər” – 10.10 – 12. 00
Aparıcı: Vüsalə Asifqızı.
Bu günkü verilişdə İctimai Televiziya və Radionun gün ərzində yayımlanan
verilişləri haqqında əhatəli anonslar və məlumatlar çatdırılacaq. Verilişdə
”TV və Radio verilişlərində mədəniyyəin hansı sahələrinin işıqlandırılmasına
daha çox ehtiyac duyursunuz?” interaktiv sorğusu dinləyicilərin müzakirəsinə
çıxarılacaq. Verilişdə dinləyici istəyi ilə xalq mahnıları səsləndiriləcək.
“Qorqud ata”- 12.00 – 13.00
TRT-nin “Türkiyənin səsi” radiosunun Azərbaycan türkcəsi redaksiyası
ilə İctimai Radionun birgə layihəsi olan bu proqramda Türkiyə və Azərbaycan
gündəmində olan ən aktual məsələlər müzakirəyə çıxarılır, türk dünyasından
xəbərlər təqdim olunur.Verilişdə həmçinin Türkiyə və Azərbaycan tarixindən,
ədəbiyyatından, musiqisindən bəhs edən xüsusi proqramlar səsləndirilir.
“Əyləncə saatı”- 13.10 – 15.00
Aparıcı: Şəfiqə Əfəndiyeva
Bu günkü verilişdə türk estradasının top onluğu barədə danışılacaq.
Müğənnilərin onluqdakı yeri dinləyicilərin səsləriylə müəyyənləşəcək.
Dinləyicilərə evrovizionun tarixi barədə maraqlı məlumatlar və xəbərlər
çatdırılacaq.
“İşgüzar zaman” – 15.10 - 18.00
Aparıcı: Xuraman Süleymanlı, Mehman Bağırov.
Verilişin bu günkü buraxılışında Nobel mükafatı laureatları haqda silsilsilə
söhbətlər davam etdiriləcək, dünyanin aparıcı qəzetlərinin manşetlərindəki
aktual yazılar haqqında məlumatlar çatdırılacaq. “2006-cı ilin Ədəbiyyat
üzrə Nobel mükafatı laureatı –Orxan Pamuk” mövzusu müzakirəyə çıxarılacaq.
“Ali məktəblərə qəbul imtahanlarında dəyişikliklər” mövzusu Tələbə Qəbulu
üzrə Dövlət Komissiyasının nümayəndəsiylə müzakirə ediləcək.
Verilişin sonunda muğam və təsniflərdən ibarət radiokonsert səsləndiriləcək.
“Yol boyu” – 18.10- 20.00
Aparıcı: Kazım Bağırov.
Əsasən yolda olan dinləyicilər üçün nəzərdə tutulan bu veriliş boyu
paytaxt yollarındakı tıxaclar haqqında məlumatlar çatdırılacaq. Bu verilişi
dinləməklə sürücülər tıxaclardan yaxa qurtara və vaxtlarına qənaət edə
bilərlər. Günün sorğusu isə belədir: “Aldığınız avtomobilə görə sonradan
peşiman olubsunuzmu?”. Verilişdə yoldakıların istəyi ilə müxtəlif mahnılar
da səsləndiriləcək.
“Günün sonu”- 20.20 - 24.00
Aparıcılar: Şakir Nadiroğlu, Samir İsmayılov
Saat 24-00 –dək davam edən bu proqram ən- ənə üzrə yenə aşıq musiqisiylə
başlayacaq. Günün interaktiv sorğusu isə belədir: “Yadınızda qalan ən
maraqlı novruz çərşənbəsi” interaktiv sorğusu dinləyicilərin müzakirəsinə
çıxarılacaq.
Poeziya həvəskarları Süleyman Rüstəmin şeirlərini və sözlərinə yazılan
mahnıları dinləyə bilərlər.
)
)
)
)
)
