“Elm korifeylərimiz” verilişində Azərbaycanın məşhur alimlərindən bəhs olunur. 2006-cı ilin aprelindən həftədə bir dəfə efirə çıxan bu verilişdə elmin müxtəlif sahələrində çalışmış və dünyadan köçmüş, eləcə də müasir dövrdə yaşayan qocaman alimlərimizin həyatı və elmi fəaliyyətinə dair maraqlı məlumatlar öz əksini tapır. İndiyədək 40-dan çox məşhur alimin elm aləminə gətirdiyi yeniliklərlə bağlı veriliş hazırlanıb. Bu verilişlərdə görkəmli alimlərin mənəvi dünyaları, şəxsiyyətləri barədə dinləyicilərə geniş məlumat verilib.
Öz fundamental nəzəriyyələri ilə dünya şöhrəti qazanmış professor Lütfi Zadə, akademiklərdən Yusif Məmmədəliyev, Zahid Xəlilov, Murtuza Nağıyev, Məmməd Arif Dadaşzadə, Mustafa Topçubaşov, məşhur şərqşünas alim Mirzə Kazımbəy və başqalarına həsr olunmuş verilişlər dinləyicilərə təqdim olunub.

Elm – Təhsil, Gənclik və İdman Departamentində hazırlanan “Qarabağnamə” verilişi efirə həftədə bir dəfə çıxır. Bu verilişdə ermənilər tərəfindən işğal edilən Qarabağın tarixi , orada dünyaya gələn məşhur tarixi şəxsiyyətlər, incəsənət xadimləri, musiqiçilər barədə geniş məlumat verilir. Ermənilər tərəfindən dağıdılan maddi –mədəniyyət abidələri və Qarabağla bağlı digər məsələlər haqqında söhbət açılır. Qarabağın, ümumiyyətlə, Azərbaycanın tarixi ilə məşğul olan məşhur tarixçilər , ziyalılar verilişdə çıxış edirlər.

Veriliş Azərbaycan tarixinin ayrı-ayrı səhifələrini, ölkənin və xalqın taleyində mühüm rol oynayan hadisələri işıqlandırır. Tariximizin müxtəlif dövrləri, Azərbaycanın qədim dövlətləri, milli etnogenezin formalaşması, Xürrəmilər hərəkatı, Atabaylər dövləti, Səfəvilər dövlətinin yaranması və inkişafı, Xalq qəhrəmanı Koroğlu, Qarabağ, Quba, Şəki, Gəncə, İrəvan xanlıqları, Gülüstan və Türkmənçay müqavilələri ilə bağlı verilişlər efirə gedib. Verilişə tanınmış tədqiqatçılar, alimlər dəvət olunur.

Verilişin məqsədi Azərbaycan idmanının inkişafını təbliğ etmək , Azərbaycanın bayrağını beynəlxalq arenada zirvələrə yüksəldən idmançıları İctimai Radionun dinləyicilərinə tanıtmaqdır.
Həftədə 1 dəfə efirə çıxan Sport taym verilişində indiyədək ölkəmizin tanınmış idman mütəxəssisləri və idmançılar iştirak edib.

“Sükanı belə saxla” bütün dinləyicilər, xüsusən də sükan arxasında əyləşənlər üçün intellektual yarışmadır. Verilişdə 3 seçim sualı səsləndirilir. SMS suallarını ən tez cavablandıran dinləyicilərlə telefon vasitəsiylə canlı bağlantı qurulur.
Hər dinləyiciyə ayrılıqda 1 sual verilir. Sualı cavablandıran dinləyici 30 manata qədər pul mükafatı qazanır. Hər -3- iştirakçı ayrılıqda 1 rəqəm söyləyir. Nömrə nişanı həmin rəqəmlərə uyğun gələn avtomobilin sahibi 2 hədiyyə kuponu əldə edir.
Verilişdə avtomobillərlə və yol hərəkəti ilə bağlı yeniliklər və maraqlı məlumatlar da səsləndirilir.

“5 suala - 5 cavab” Azərbaycanın tarixi , coğrafiyası , mədəniyyəti , incəsənəti ilə bağlı intellektual yarışmadır. Verilişdə 1 SMS sualı səsləndirilir. SMS sualını ən tez cavablandıran 3 dinləyici verilişdə telefon vasitəsiylə yarışmaya qoşulur.
Hər dinləyiciyə Azərbaycanın tarixinə, mədəniyyətinə, coğrafiyasına, ərazisinə aid 5 sual verilir. 1 sualı cavablandıra bilməyən dinləyici oyunu tərk edir, onu 2-ci iştirakçı əvəz edir. Sualların hamısını cavablandıran dinləyici iki 2 hədiyyəyə sahib olur.

“Şanslı ailə” intellektual maarifləndirici yarışmadır.
Verilişdə 2 SMS sualı səsləndirilir. SMS suallarını ən tez cavablandıran 2 ailə verilişdə iştirak edir. Yarışma 3 turdan ibarətdir. İki iştirakçı eyni vaxtda telefon xəttinə qoşulur.
I və II turda hər iki iştirakçıya ayrı-ayrılıqda 1 sual verilir. Hansı iştirakçı iki turda ən çox sualı cavablandırsa III tura keçir və hədiyyə kuponu qazanır.

Verilişin məqsədi gənclərə hərbi-vətənpərvərlik ruhu aşılamaq, xidməti borcunu yerinə yetirən əsgərlərimizin istək və salamlarını səsləndirməkdir.
Əsgər valideynlərinin mesajlarına müvafiq olaraq musiqilər səsləndirilir, arzu etdikləri qonaq (müğənni, şair, hərbiçi, idmançı və s.) verilişə dəvət edilir. Əsgərlərə imkan daxilində ailə üzvləri ilə efirdə danışmaq üçün imkan yaradılır.
Dinləyicilərə “Generallar”, “Milli qəhrəmanlar”, “Dünya hərb tarixi”, “Əsgər məktubu”, “Əsgər gündəliyi” kimi rubrikalar təqdim edilir.

Veriliş boyu azadlıqdan məhkum olmuş insanların etirafları, ürək sözləri, arzu və istəkləri dinlənilir. Bununla da cəmiyyətdən ayrı düşmüş insanları cəmiyyətə yaxınlaşdırmaq və bu yolla cəza müddətləri başa çatdıqdan sonra onların sağlam cəmiyyətə sağlam düşüncə ilə qayıtmasına yardımçı olmaq verilişin əsas məqsədidir.

...